Шынымды айтсам мен көз жаттығуларын көп жасай бермеймін. Өте қажет екенін білемін. Бірақ көпшілігіміз осы жаттығуларға мән бермейміз.
Кейде компьютерге көп отырғаннан көзім ауырып кетсе ғана көз жаттығуларын жасаймын. Ал былайша компта жұмыс жасап болғаннан кейін көп мән бере бермеймін.
Көз жаттығуларын еске сала кетсем:
1-жаттығу
Шынтағыңызды үстелге тіреп, алақандарыңызбен көздеріңізді жабыңыз. Жаттығу ұзақтығы — 5 минут. Осы жаттығуды күніне 2-3 рет қайталаңыз. Алақаныңыздан тараған жылу мен қараңғылық көздеріңіздің шаршауын басады.
2-жаттығу
Таңертеңгілікте көзіңізді жауып, бетіңізге алдымен жылы су, соңынан салқын су бүркіңіз. Жаттығуды 20 рет қайталаңыз. Кешке қарай осы жаттығуды тағы істеп көріңіз. Бірақ, бұл жолы бетіңізге алдымен суық су, сонан соң жылы су бүркесіз. Бұл жаттығу көздеріңіздің қан айналысын жақсартады.
3-жаттығу
Фокус жасау. Әр қолыңызға бір-бірден қарындаш ұстаңыз. Біреуін көзіңізден 15 см қашықтықта тік ұстаңыз. Ал, екіншісін алға созылған қолыңыздың қашықтығында ұстаңыз. Сонан соң көзіңізді бір қарындашқа тоғыстырыңыз да, кірпігіңізді қағып, көзқарасыңызды екінші қарындашқа аударыңыз. Бұл жаттығуды күніне екі рет жасаңыз.
4-жаттығу
Аяқтарыңызды алшақ қойып, бүкіл денеңізбен бір жағыңыздан екінші жағыңызға қарай бұрылыңыз. Көздеріңіз алыстау тұрған бір нәрсеге қадалуы қажет. Ауық-ауық кірпіктеріңізді қағып қойыңыз. Жаттығуды 50 рет қайталаңыз. Т. б. көп.
