Толғанай әнінің тексті:
1. Айдай боп нұр берген күлкіңнен күн көргенімсің,
Табиғат жіберген сұлуым - Толғанай.
Жаныма нәр берген жүрекпен шын сүйгенімсің,
Толықсып көрінген айымсың - Толғанай.
Қайырмасы:
Толғанай, Толғанай.
Бақыт құс қонған-ай
Толғанай, Толғанай
Сен болсаң болғаны-ай.
Жанымды арбады-ай.
Сезімнің жанғаны-ай.
Жанымсың, бағымсың, аруым - Толғанай.
2. Қиылған қасың бар керілген сен асылымсың,
Өрілген шашың бар аруым - Толғанай.
Сезімім ашылған берілген сен ғашығымсың
Көңілім тасыған өзіңмен - Толғанай.
3. Тұп-тұнық көзіңмен еркелеп сен баурағансың,
Бақытқа қол жетпес баладым - Толғанай.
Ерекше сезіммен жүректі сен жаулағансың,
Өмірлік теңіме санадым - Толғанай.
