Қан қысымының төмендігінен зардап шегетін адамдар да аз емес. Мұндай жандар, яғни гипотонияға шалдыққан адамның қан қысымының жоғары көрсеткіші 100 мм, ал төменгі көрсеткіші 60 мм сынап бағанынан аспайды екен. Мамандардың айтуынша, бұл жағдай денсаулыққа кері әсерін тигізетін көрінеді.
Жалпы, гипотония физиологиялық және патологиялық болып екі түрге бөлінеді. Екінші түрі дәрігердің араласуымен емделеді. Ал гипотонияның физиологиялық түріне шалдыққан адам өзін ауру сияқты сезінбейді, бірақ сау да емес. Сондықтан, қан қысымын қалыпты жағдайда ұстау үшін мынадай ережелерді есте сақтаса, тіпті созылмалы гипотония жағдайында да науқас өзін сергек сезіне алады.
