Құрметті модераторлар, өз өкілеттілігімізді пайдаланып құлыптаған қолданушыларымызды қайта шешуді ұмытып кетіп жүрген жоқпыз ба? Құлыптанғандар тізімін қарасам алды бір жылдан аса тұрғандар бар сияқты. Негізі Бан жазасын беруде өте сақ болайық, шамамыз келгенше 2-3 күннен артық жазаламауға тырысайық та, уақытын жазаланушыға жекемен хабарлап отыуды жолға қояйық, әрі сол кесімді уақытта босатуды ұмытпайық. Ұмытылып,шешілмеген жаза алушы басқа аккаунт ашуға мәжбүр болады дағы,бұрынғы ұпайларын, қолданушылар арасындағы байланысын үзіп алады, ол жақсы емес әрине. Біздің мақсат қолданушыларды қуғындау емес,сайт тазалығын бақылау, түсінбегендерге шамамыз келгенше түсіндіру екенін ұмытпайық. Құрметті мамандар біріңіз банға қойған қолданушыны ескертусіз екінші біреуіңіз шеше салу,болмаса бір модератор жапқан сұрақты екінші біреуіңіз жапқан маманның келісімінсіз аша салу деген мүмкіншілігіңізді асыра пайдалану әрі мәдениетсіздік болады.Ол мүмкіншілік тек Админде болғаны дұрыс болар деймін. Сөз соңында құлыпқа қойған қолданушыларыңызды тағы бір рет қарап шығуларыңызды және жұмыстарыңызға адал болуларыңызды тілеймін.
