Жазды күні күн ысып, тас жолдарда сағым ойнайды. Осындай кезде көлік апаты жиілеп, адам өлімі болып жатады. Жалпы, жол апаты жиі орын алатын жерде қандай сыр бар? Ондай жерлерде қалай сақтану керек? Біз енді осы сұрақтардың төңірегінде ой қозғап көреміз.
Ғалымдардың пайымдауынша, кейбір жерлердің адамға жағымды және жағымсыз әсер ететін қасиеттері болады екен. Мұндай жерлерді ажырату үшін ата-бабаларымыздың салт-дәстүрлеріне үңілген жөн. Қариялардың айтуынша, ондай орынды мысық жақсы көреді екен, ал ит ешқашан жаман жерге жатпайтын көрінеді. Өйткені мысықтың бойында жаман энергияны сезетін «антенна» бар. Ол мұндай жағымсыз энергияларды әдейі іздеп, бойына жинайды. Мысық көмірқышқыл газын жұтып, оттегі шығаратын кәдімгі ағаш тәрізді. Ал егер өсіп тұрған қисық ағаш көрсеңіз, ондай жердің де жақсы орын болмағаны. Соны білетін диқаншылар шығынға ұшырамас үшін ондай жерге егін екпеген.
Ілгеріде ата-бабаларымыз жайлауға үй тікпес бұрын, алдымен таңдаған орнына мал жаятын немесе байлайтын болған. Үй тігетін орынның жайлылығын сол байланған малдың сойылған ішегі, өкпе-бауырына қарап ажыратқан.
Жолға шығар алдында жүргізушілердің демалып алғаны жөн. Көлік жүргізіп келе жатып ұйықтап кетсе бітті.
Ресми мәліметтерге сүйенсек, автокөлік апатынан елімізде соңғы он жылдың ішінде 28 мыңнан аса адам көз жұмып, 162 мыңы жазылмас жарақат алған. Әрине, оның себеп-салдарын талдай берсеңіз таусылмайды. Дегенмен жол-көлік апаттары кей жағдайда жүргізушілердің кінәсінен емес, жолдың жағымсыз аймаққа салынуына байланысты болатынын да бүгінгі ғылым растап отыр. Экстрасенстер жол-көлік апаттарының 10 пайызы жүргізушілердің кесірінен, ал қалғаны жоғарғы күштің әсерінен болатынын айтады. Көліктің иесіне бағынбай кететіні содан екен. Жердің терең түкпірінен шығатын белгісіз жоғарғы күш адамның психикалық және физикалық жағдайына елеулі түрде жағымсыз әсер ететіндіктен, жүргізушілердің сезімталдығы ерекше артып, басы шыңылдап, құлағы бітеліп, қан қысымы артып, болмаса дел-сал шаршап, көзіне әрнәрсе елестейді. Тіпті ондай жағымсыз жерлерде ұялы байланыс та нашар естіледі. Сондықтан ондай жағымсыз жолдарда адам қауіпсіздік шараларын орындаған жөн. Мұндай кезде жүргізуші өзінің көлік айдап келе жатқанын сезіну керек. Сосын ұялы телефонын өшіріп тастаған абзал. Ал көлігіңізде орнатылған үнтаспадан шығып тұрған әуен – жол апатына алып келетін бірден-бір нәрсе. Сондықтан жолда келе жатқанда даңғырлақ әуенді өшіріп, Құран сүрелері жазылған таспаны қойыңыз немесе жолға қатысты қасиетті дұғаларды жаттап, іштей қайталап отырыңыз. Бұл өзіңіз үшін өте пайдалы.
Ақпарат.
