..."Ғашықтық" деген сөз бала кезімде ертегі,жырлардан құлағыма шалынды. Бірақ ертегі ,жырлардағы өмір де,адамдар да бізден бөлек,биік көрінетін де,олардың бойындағы алапат от сезімдер де біздің кішкентай бойымызға сыймайтын. Көңілімде көмескі,бұлдыр арманым бар. кейде сол тәтті қиялға айналып әжептәуір жерге алып та кетеді." Ішің бәрін біледі" деп мазаңды алып,денеңді қыздыра бастаған табиғаттың оты...
... Мен сырт көзге сабырлы көрінгенмен, ішімде талай пәле жатыр. Қабақ астынан жігіттерді сынайтын әдетім бар. Сыртыма шығармасам да,іштей өзіме өлшеп көрем. қайсыбіріне "кет әрі" емеспін, әйтсе де көңілім жыға құлаған бірі жоқ. басқа , өзге біреуді күтем.кімді күтетінімді анықтап білмесем де , әйтеуір,бір аңсайтын адамым бар. Көптің бірі емес, кісі ұялтатын қытықты сөздерге бармайтын ,"қарындас" деп сызылып бастап, "жастың тілегі бір, жібектің түйіні бір" деп суыртпақтамайтын, еркелігімді ұғатын, әзілімді түсінетін,ашуын ақылмен басып, өкпесін мейіріммен тарқататын Арман-Алпамыс ақыры жолықпады -ау!
....ақылды әйел еркекпен бедел салыстырмайды,еркелеп отырып,өз ығына жұмсайды. Әйел үшін күйеуге тию-көп мақсатың ішіндегі ең күре мақсат. Оны мойындамау, намыс санау адам бойындағы жалғандық. Табиғат алдындағы міндеттен қорынбау керек.
...Қыз бала өз ұнатқан адамның қандай екенін, қаншама жанын сап зерттесе де, ешқашан алақанындағыдай анық-қанық біле алмайды. Қыз қанша қу болғанмен, жігіт те оп-оңай алдырмайды. Қыз көңілін қарату үшін қай жігіт қулық жасамайды,қайтіп бар талантын жұмсамайды?? мөлшерді анықтай алатын жалғыз таразы жүрек.
...талай жігіт сөз айтты,ешкімге бой бермедім. Есейе келе жігіттің бәрі Қозы,қыздың бәрі Баян еместігіне көзім жетті. Қыз атаулының бәріне қиялдайтын ұлы еркек керек, алайда ондай еркек жоқ. соны сезіп сәби арман сабасына түскендей. Қиялдаған көңілім жай жақсы жігітті де қанағат қылғандай.
Қозы,Төлеген, Ромеолар несімен мықты дейсің? олардай еркек мың,миллион. Тек олардың тәмәм еркектен артықшылығы Баян мен Жібектің, Жульеттаның махаббатында. Сол қыздар болмаса көп батыр еркектің бірі. "Ер бақыты -әйел", "Әйелі жақсы болмай,ер оңбайды". ..
...Кұшті махаббат күштілігімен кешіре алмайтын тәрізді,өзі таза адам, ғашығынан да сондай тазалықты талап етпей ме?? Махаббатта мың тарам жол, миллион түрлі тағдыр болады. Сыйламайтын апдамыңды сүю мүмкін емес.. Адамды кемшілігімен қоса сүю-шынайы махаббат.
(жоғарыдағының бәрі ерлі-зайыптылар кітабынан алынды) не айтқым келгенін түсінген боларсын...
