Шаш неге ерте ағарады?
Темір де тозады. Оған қарағанда ет пен сүйектен жаралған адам тәнінің қартаюы қалыпты нәрсе. Қарттық әуелі біреудің отыз екі тісін алады. Екінші біреуді көзден, үшіншісін құлақтан, одан кейінгіні аяқтан алуы ғажап емес. Бірақ қарттық бір күнде келмейді. Әр күн – қарттыққа қарай жасалған бір адым. Егер айна алдында тұрып, шашыңыздан немесе самайдан бір тал болса да ақ көрсеңіз, ол– қарттықтың келе жатқанынан сізге ширек, тіпті жарты ғасыр бұрын жасалған «ескерту» деп біліңіз.
Ерте ме, кеш пе, түбі кім-кімніңде алтын басын ақ басары анық. Ғалымдардың зерттеуінеқарағанда, адам шашының «өмірі» алты жылға созылады екен. Алты жылдан соң, өлі шаш түсіп, оның орнына жаңа шаш шығады. Шығыс медицинасы ақ шаштың пайда болуын бүйректің сырқаттануымен байланыстырады. Кей елде ақ шаш – ақылдылықтың нышаны ретінде бағаланады. Жалпы, самайын қырау шалып, сақал шашына қылаңдап ақ кіре бастаған еркекті әйелдер жақсы көреді. Өйткені бұл – ер азаматтың ақылы толысып, дүниеден өз орнын тауып, кемелденген, екінші тынысы ашылған, дер шағы. Негізінен, шашқа алғашқы ақ түсетін кез – 30-40 жас аралығы. Мұқағали ақынның:
Солайда солай қарағым,
Таңданып неге қарадың?
Шашымның санап әр ағын,
Отыздан асып барамын, – дейтіні де сондықтан.
Алайда шаш бір сәтте ағарып кетпейді. Өлім жазасына кесілген адамға «ертең үкім орындалады» деген хабарды жеткізген соң, бір түнде шашы аппақ қудай болып кетіпті-міс»деген аңыз ежелден айтылады.Бірақ ғылымда қазірше дәл сондай оқиғаны тіркеп, оның себептерін анықтағаны туралыақпарат жоқ. Кімнің де болса ең алғашқы ақ шашты көрген сәтінен бастап, шашы түгел ағарғанға дейін ширек ғасырға дейінгі уақыт өтуі мүмкін екенін жоғарыда айттық. Десек те, бүгінгі күнде мектеп жасындағы баланың шашына ақ араласқанын көріп таңғалмайтын болдық. Бұл – компьютер мен техникасы дамыған заманның адам ағзасына беріп жатқан кері әсері ме, әлде тозған экологияның көрінісі ме, оны ғалымдар мен дәрігерлер анықтай жатар. Бізге белгілісі, шашқа ақтың ерте араласуы атадан балаға берілетін генге де байланысты екендігі. Кейбіротбасының бесіктен белі шықпаған балаларының басын ақ қырау шалып жатса, бұл не тұқым қуалаумен келетін ерекшелік немесе бұл отбасында шаш түбі нәр алатын тағамдар аз қолдалынуы мүмкін екен. Бұл ақпараттар http://dinislam.kz/news/2009-04-16-964 сайтынан алынған.
