Бисмилляh.Кешіріңіздер қайта жазуыма тура келді бірінші жазғаным басқа біреуге жауап ретінде басылып кетіпті.
Білімсіздің күні қараңғы деп қазақ аталарымыз бекер айтпаса керек.Сізге Хазреті Мұхаммед (Аллахтың игілігі мен сәлемі болсын) Пайғамбарымыздың тарбиесін көрген бір Сахабаның айткан сөзін айтып берейін...
Он шақты яхуди(еврей) хазреті Әлиге (Аллах рақым етсін) келіп:
<<Ғылым артық па,әлде,мал артық па?>> -деп сұрақ қояды.Төртінші халифа бұл сұраққа былайша он түрлі жауап береді.
- Бірінші,ғылым артық.Өйткені ғылым-пайғамбарлардан қалған мирас,ал мал-Перғауын мен Қарынбайдың мирасы.
- Екінші,ғылым сені сақтайды,ал малды сен сақтайсың.
- Үшінші,ғылымның досы көп,ал малдың дүшпаны көп.
- Төртінші,ғылымды жұмсасаң арта береді,малды жұмсасаң азая береді.
- Бесінші,ғылым саған құрметті атақ береді,ал мал сараң деген атақ қалдырады.
- Алтыншы,ғылым өзін-өзі сақтайды,ал малды үнемі бағып,күту керек.
- Жетінші,ғылым қиямет күні иесіне шапағат етеді,ал мал иесіне есепсіз жауап бергізеді.
- Сегізінші,ғылым тозбайды,жоғалмайды.Мал болса қолдың кірі,өледі,жоғалады.
- Тоғызыншы,ғылым көңілді нұрландырады,адамға ақыл-ой қосады,ал мал масаттандырады,болған үстіне бола түссе екен деп дүниеқоңыз етеді.
- Оныншы,ғылым адамға ғибадат еткізеді,ал мал иесінің көңіліне тәкәппарлық салады, -деп тапқырлық танытыпты.
Содан болса керек Абай атамыз айтқандай ''Әрбір білімді адамға иман парыз,әрбір иманды адамға ғибадат парыз'' -деп.
