азақстан» ұлттық телеарнасы арқылы көрермен көзайымына айналған «Келін» (Балика Вадху) телехикаясын жұртшылық жақсы біледі. Әсіресе басты кейіпкер Ананди актерлік шеберлігімен, тартымды қылығымен көрерменді өзіне баурап алған еді.Анандидің шын есімі – Авика Гор. Ол 1997 жылдың 30 маусымында дүниеге келіпті. Тоғыз жасар еті тірі, пысық қыздың рөлін сомдаған 15 жасар мектеп оқушысының осыншалықты танымал болуының сыры неде? Мұны Авика Гордың өзі айтсын.
– Авика, «Келін» фильміндегі рөлге қалай келдің?
– Мен бұл фильмнен бұрын бірнеше кинолар мен (Chalti Ka Naam Gadi, Karam Apna Apna) телехикаяларға түскенмін. Осы туындылар арқылы режиссердің назарына ілініппін.
– Қазір Ананди атымен танымалсың. «Келін» фильмінен соң өмірің өзгерді ме?
– Кереметтей өзгерді деп айта алмаймын. Бірақ жұрт мені «Ананди», «бұзық тышқан», «келін» деп атайтын болды. Осы фильмнен кейін жұлдызым жанды.
– Фильмдегі Ананди мен өмірдегі Авиканың ұқсастықтары бар ма?
– Иә. Әсіресе сөзшеңдігіміз ұқсайды (күліп). Ананди сияқты мен де көп сөйлеймін. Менің де ол сияқты сұрақтарым таусылмайды.
– Анандидің рөлін ойнау қиынға соққан жоқ па?
– Жоқ. Бұл рөлде ойнау маған айтарлықтай қиын болған жоқ. Керісінше, үлкен тәжірибе жинадым. Алайда «Келін» фильміне түскенде мен небәрі 5-сынып оқушысы едім. Бала емеспін бе, алғашында киноға түсу маған ойын сияқты көрінді.
– Фильм түсірушілерге кішкентай актерлермен жұмыс істеу қиын болған шығар?
– Меніңше, қиын болған жоқ. Бұл актердің рөлді қаншалықты игере алғанына байланысты ғой.
– Анандидің оқуға, білім алуға ынтасы ерекше. Ал сенің оқуың қалай? Киноға түсу сабағыңа кедергі келтірмеді ме?
– Мен үнемі оқулықтарымды өзіммен бірге ала жүретінмін және түсірілімдер көбінесе сабақтан тыс уақытта болады. Кейде сабақтан қалып қоятыным бар. Бірақ жиі емес.
– Киноға түсу бала кездегі арманың ба еді?
– Менің негізгі арманым «Әлем аруы» атану болатын. Бірақ еңбек жолымды киноға түсумен бастадым. Осы қадамдарым басты мақсатыма жетудегі баспалдақтар деп ойлаймын. Қайтсем де көздегеніме жеткім келеді. Сондықтан да бұған бала кезімнен бастап кірістім.
Міне тапқаным осы
