Ет немесе Бешбармақты үйде қалай айтасыз?
«Беш» - деген қазақта сөз жоқ.
«Бармақ» - қолда біреу ғана, жалпы барлығын саусақ дейміз. Мысалы: Бас бармақ, балаң үйрек, ортан терек, сылдыр шүмек, кішкентай бөбек, деп әжелеріміз қазақша атауларын айтып отыратын. Тағы мысал, «Таудай талап бергенше, бармақтай бақ берсін!», «Бармақ басты, көз қысты», бармағын жалап, дегендер бар.
Бір қолда бес бармақ болмайды, бармақ біреу ғана.
Енді қазақтар осы Бешбармақты намыстанып, өз-өзін алдап Бесбармақ деп жүр. Қазақта «Бешбармақ» та, «Бесбармақ» та деген сөз жоқ. Бұл үлкен қате. Қазақтың ұлттық тағамын «төрт бармақ» деп атаса да біздің шаласауатты оқығандарымыз ұялмай, қызармай, намыстанбай айта беретіне кәміл сенемін. Ал, арлы да айбынды нағыз қазақтар үшін ет асып жегенге не жетсін! «Ет етке, сорпа бетке»!!!
