Ұзақ уақыт диетаға шыдай алмайтындарға /шыдай алатын, бірақ тез арықтағысы келетіндерге арналған салмақ тастаудың аптасына 16 сағаттық және 24 сағаттық ашығу деген түрін естіп пе едіңіздер? Нансыз, қантсыз, полуфабрикатсыз диетамен еш мәселем жоқ. Бірақ, нәтижені жылдамдатқым келеді. Әлкөтте, ешқандай тыйым салынған зиянды дәрілік көмексіз. Осы ашығу түрін сынап көрейін деп жатырмын. Егер сіз кешкі асты алтыда ішіп, кеш жатып, кеш тұрып, аузыңызды тек түскі аста ашып көрген болсаңыз, интервалдық ашығу дегенді өзіңіз білмей қолданып жүрсіз.
Қысқасы былай. Аптасына толық бір тәулік тамақ ішпейсіз. Немесе кешкі алтыдан ертеңгі түске дейін ашығасыз (16 сағат). Алдымен аптасына бір рет. Содан кейін 2 рет.
Ғалымдар бұндай суперқысқа ашығу түрі апталап ашығу мен айлап диета ұстаудан әлдеқайда күшті әсер етеді дейді. Тіпті, бұлшық етті сақтап, майды ғана кетіру керек болса да. Ең мықты тұсы, бұл оңайлықпен кетпейтін қарындағы майды кетіреді.
Ескеретін нәрсе, тамақ ішу фазасында тыңқиып тамақ ішпей, қалыптан озбау. Кәдімгі түстік. Екі сағаттан соң, жеңіл ақуызды бірдеңе тістейсіз (дәнектер, сыр, сүзбе, жұмыртқа, қатық) сосын кешкі асты кәдімгідей ішесіз де келесі күннің түстігіне дейін ауызды буасыз.
Ұзақ ашығу (3 күннен аса) мен ұзақ диетадан (3 айдан аса) айырмашылығы аралық ашығу:
1) Зат алмасу бірнеше есе жылдамдайды. Яғни майдың кетуі екі есе жылдамдайды.
2) Табиғи тестостерон мен өсу гормоны шарықтауы.
3) Денеде жараның, қабынудың жазылуы мен улы қалдықтардың тазаруы осы уақытқа дейінгі белгілі диета, ашығу тәсілдерінің барлығымен салыстырғанда жылдам жүреді.
4) Тері жағдайы жақсарады. Безеу, жырық, құрғақтық, майлылық дегендердің бәрі біртіндеп құрып бітеді.
5) Өмір сапасы мен ұзақтығы, жүрек жақсаратыны дәлелденген-міс.
Енді бұның бәрі жазылған әңгіме ғой. Бірақ, қомағайлық әдеттен құтылып, тыныс тұрқыңызды жасыңызға сай еткіңіз келсе, менімен бірге сынап көрсек болады. Алғашқы үш апта кез келген бастама сияқты ең қиыны болатынына дайын болсаңыз әрине. Өзім сынап көрмеген соң, бұдан артық ештеңе айта алмаймын.
Айтпақшы, ашығу аралығында су, шай, кофе іше береміз, тек қантсыз, сосын тәтті сок ішпейсіз. Болды.
Басқа алып қосарларыңыз болса, талқылайық.
Жо-жоқ. Екі күнде үш рет емес, күніне үш рет тамақтанасыз. Бірақ жеңіл тамақ және түскі 11-мен 18-дің арасында ғана, араға екі сағаттан салып, тамақтанатын. Аптасына екі күн. Қатарынан емес. Мыс. Бүгін бастадық ертең түсте бір-ақ ашамыз ауызды. Сосын сәрсенбі күні кешке жабамыз. Бейсенбі күні түсте ашамыз. Түк қиындығы жоқ. Сезбейсіз де. Екі айдан кейін, ұнаса, 24 сағат толық ашығуға өтуге болады. Болмаса, солай аптасына екі реттен жарты күн ашығуды әдет қыламыз.
Мен онсыз да қысып тастағам ұн, май, қант, гарнир деген заттарды. Егер диетамен бірге қолданса, нәтиже жылдамдамдай ма деп отырмын. Не болса да кеттік ал!
