Жақсы дос табу ол өзіңе байланысты. Егер өзің жақсы болсаң, айналаңды да жақсы адамдар қаптайды. Сенімді, адал болсаң, және өзгелерге де сене білсең сенің де сеніміңді басқалар ақтайды. Менің достарым өте көп. Әр түрлісінен бар. Тіпті, бірін-бірі жақтырмайды көбісі. Мен арқылы ғана бір-бірімен қарым-қатынастары үзілмей тұрғандары қаншама. Өзім адам талғамаймын, және барлық адамдарды өзімдей көремін, сенемін. Сондықтан ба менің де достарым ешбірі менің сенімімді ақтамай не қиын жағдайда жалғыз қалдырған кездері болағн емес. Ол жеңілтек пе, мінезі адам төзгісіз бе, сараң ба, іші тар ма, ол бірнеше байға тиіп, қайтып келген бе маған бәрбір. Ең бастысы ол мені жақсы көрсе, мен оны жақсы көрсем болды. Ешқандай кемшілігіне қарамастан қуанышы мен қайғысын бірге бөлісуге дайынмын. Ең бастысы сен оларға жақсы , адал, сенімді дос бола білесің бе? Міне, бар мәселе осында. Шын доссың ба, ол сені қиын жағдайда қалдырса да оған жаның ашып, қайта кешіруге, сенуге дайын тұруың керек. Кемшілігі үшін теріс айналуға болмайды, керісінше сол кемшілігін жөндеуге тырысу керек.
