Аллаһтың атымен.
Жанды нәрсенің суретін салуға болмайды. Оған дәлелдер бар:
Абдулла ибн Масғуд (Алла оған разы болсын) жеткізген хадисте ол: Мен Пайғамбарымыздың (Алланың оған игілігі мен сәлемі болсын):»*Қиямет күні азабы ең қатты адамдар – сурет салушылар»* – дегенін естідім. (Бухари мен Муслим риуаят еткен)
Айша анамыз (Алла оған разы болсын) айтады: Суреттері бар бір жастық сатып алған едім. Алланың елшісі (Алланың оған игілігі мен сәлемі болсын) оны көрген кезде есік алдына тұрып, үйге кірмей қойды. Мен оның жүзінен жақтырмағанын сездім, кейін:
– Иа Расулалла, Алла мен Оның елшісіне тәубә, менің жазығым не?– дедім.
– Мына жастық қайдан келген? – деді.
– Оны сізге оған отырарсыз не астыңызға қойып жастанарсыз деп алдым – дедім.
– Қияметте бұл сурет иелері азапталады да оларға: «Жаратқан бейнелеріңе жан беріңдер, делінеді», кейін: «Суреттер болған үйге періштелер кірмейді», деді.
Бұрын сурет салған болсаң саған тәубеге келу қажет. Аллаһ құранда: «Әй, мүмiндер, түгел Аллаһқа тәубе етiңдер! Мүмкiн құтыларсыңдар» (“Нұр” сүресi, 31-аят)
тәубенің 3 шарты бар:
1-күнә істегеніне өкіну
2-кешірім сұрау
3-қайталамау
Аллаһ жақсырақ біледі.
