Намаз оқитын жастар саны көбеюі қуантарлық жәй болса да, сапасыз сияқты. Қазіргі таңда намаз модаға айналған заман. Мына сұрағың таңқаларлық емес, себебі мұндайлар көп. Адамдар өзін намаз оқитындығын айтып, ел назарында жүруді қалайды, сонымен қатар ауыздарын көпіршітіп тұрып жаттанды уағыздарын айтқыш келеді. Менің де біраз танысым намаз оқиды, оны танысқан күн-ақ айтып қойған. Өздері уағызшыл-ақ, бір қызығы сол өздері айтқан уағызын өздері ешқашан орындаған емес. Адам деген уағызшыл болса оны сөзімен ғана емес ісімен де көрсете білуі керек қой. "Мен Намаз оқимын" - деген "мақтаншақ" адамға сенбей-ақ қойыңдар дер едім. Себебі, Намаз - адам мен Алла арасындағы өзара құпиясы іспеттес. Намаз оқитын адам барынша оны жария етпей, құпия ұстағаны абзал.
Адамның жақсы яки жаманы намаз оқуымен өлшенбейді, адамдарға көмек беруімен өлшенсе керек. Осыған орай еске түскен бір мысалды айта кетейін:
"Ертеректе бір пенде 5 уақыт намазын қаза қылмай, 30 күн оразасын жібермей, Меккеге де барып жүреді екен. Күндердің күнінде еш адамға жамандық жасамақ түгілі қастандық ойламаған әлгі пенде жолдан кішкене қобдиша тауып алыпты. Ол қобдишаны қызығушылықпен ашып қалғанда ішінен үлкееен айдахар шығып буындыра түсіпті. Сонда жанталасып қиналған пендеміз айғайлап көмек сұрай бастайды. Бір қараса анадайдан 30 шақты адам өтіп бара жатыр дейді, жанталаса көмек сұраған оған олар бір қарап өте шығыпты. Амалы құрыған пенде айғайын үдете түсуде, қараса тағы 5 адам кетіп барады, олар тіпті айғайына көз қиығын да салмай кете барыпты. Пендеміздің жаны мұнының ұшына келіп, қиналып тұрғанда бір әрең сүйретіліп ақсақ адам келіпті де әлгі қобдишаны қайта жауып, құтқарып қалған екен.
Сонда әлгі кетіп бара жатқан 30 адам әлгі пенденің ұстанған ораза күндері екен де, ал 5 адам 5 уақыт намазы екен. Ал әлгі ақсақ адам өзі бір кездері оған үлкен жақсылық жасаған пендесі екен."
Міне, ораза да, намазда Алла мен адамның өз игілігі үшін, яғни адамды жақсылық жасауға итермелеуші ғана. Сондықан да, ораза мен намаз оқи жүріп, адамдарға жақсылықты көбірек жасау керек. Адамдарды сыйлап, қадірлей білу керек. Ол ақыреттегі басты жасалған сауабымыз іспеттес.
Ал сіздің сыныптасыңыз намазды өз үшін оқиды. Ол намаз оқиды екен деп аяқ тарту тіпті орынсыз. Ол әлі жас сонымен қатар намазх қағидаларын толық білмеуші ғана. Кей оқушыларға ата-анасы намаз оқуға қарсылық білдіріп жатады, сіздің сыныптасыңызға қарап дұрыс-ау деп ойлап та қаласың. Балалық-шалалықпен жасалған күнә-қателіктер де ескерусіз қалмаса керек.
