|
Өзіңіз туралы:
|
Бисмиллаһ (пенен) болған іс берекелі һәм байыпты,
Аллаһқа ғибадат етпеген пендесі болмақ айыпты…
Шүкірлік пенен құлшылық, мадақтау менен ұлықтау,
Раббысы барша әлемнің, Аллаһқа ғана лайықты!
Құдіретін танып ой жетпес, батысқа қара шығыс пен,
Миллиардтаған ғаламшар жаңылмас бір сәт жүрістен.
Шаршаусыз, Мұңсыз, Міні жоқ, Әуелден болған Соңы жоқ,
Құдіреті күшті Жәрдемші, бәрінен Ұлы, тым Үстем,
Серігі жоқ ешқандай, ұқсайтын, тіпті, теңі жоқ,
Жаратқанының беймәлім артығы және кемі жоқ.
Ризық беруші, ең Жомарт, Қамқорлығы да өлшеусіз,
Сүйген құлына төгетін Мейірімінің де шегі жоқ!
Белгілерін көре біл, бақылап барлық тараптан,
Ұлттарға бөліп ұлысқа, ғаламға бізді таратқан.
Қиямет күннің Қожасы, Есеп күнінің Егесі,
Адам мен жынды тек қана, құлшылық үшін жаратқан!
|
