|
Өзіңіз туралы:
|
Жаратушым жарық сыйлаған рухты бала мен Калдыбай Нурсултан Бекзатулы 1993 жылы мамыр айының 1 – ші жұлдызында Ақтөбе облысы, Байганин елді мекенінде дүниеге келгенмін. Бұл жердің топырағына аунап, құмын кешіп,суына қанып,төрт мезгілін қарсы алып өскенмін. Көз алдымнан зу ете қалған уақытты қалай сезбегем десеңізші. Тіпті айтайын десем балалық шақ естеліктері де уақыт қойнауына кетіп бара жатыр екен ғой.Содан 1998 жылы Ақтау қаласына көшіп келгенбіз! Ақтауға келгендеде, жағдайымыз оңдай жақсы болмады. Әкем мен шешем бізді бақытты қылу үшін, күні-түні жұмыс жасайтын. Біз оларды үйде күтіп, жұмыстан шаршап келеді-ау деп, шайды дайындап қоятынбыз. Уақыт келе бәрі орнына келді. Мен алғашқы қоңырауды 2000 жылы, 7 жасымда мектепке барып естідім. Ай, неткен мектеп кездері-ай десеңізші! Ал соңғы қоңырауды 2011 жылы мектебіммен қимастықпен қоштаса естігенмін. Осы жылы менің бақ сынар кезеңім басталды, мектепті бітірген соң оқуды жалғастырмақ бар. 2011 жылы қырқүйек айында Ш.Есенов атындағы Каспий мемлекеттік технологиялар және инжиниринг университетіне Есептеуіш техника және бағдарламалық қамтамасыз ету факультетіне қабылдандым. Ендігі жаңа дос, жаңа өмір кезеңі сан қилы мінезділікті адамдар тобы және бұл менің келесі өмір ортама айналды. Басында қашан 1 курс бітеді деп алыстана қарайтын едім,ол жылдар да қас – қағымдай болып өткенде, қимастық пайда болады екен. Бұл оқу орны мені өмірдің келесі баспалдағына шығарады деп сенімдемін. Әрі қарай осы мамандығым бойынша жұмысқа қабылданамын деп ойлаймын, мен әрі қарай өмірімді жалғастырмай-ақ қояйын. Айта берсек, басымызды бақыт- ойлар көп. Алдағы уақытты бір Алла ғана көрсетеді. Иншаллах
|
