Сериалдар туралы не айтуға болады? Меніше оң әсерінен көрі, теріс,кері әсері көп.Бірақ мүлдем көрмеу керек дегеннен аулақпын.Бәрі өзімізге байланысты.Халқымызда дана сөз бар:"Жақсыны көріп үйрен, жаманды көріп жирен"- деген.Бірақ бір нәрсе қынжылтады, қазір жас балалардың "Жумонгті","Тэ Соны" тағы сол сияқты корей халқының тарихи тұлғаларын білмейтіні, оларға еліктемейтіні жоқ.Бұл қорқынышты емес па.Соларды он орап алатын батырлар,тұлғалар біздің қазақ халқында жоқ па? Алпамыс,Қобыланды,Ер Қосай,Ер Көкше,Қабанбай, Бөгенбай, тіпті кешегі Кенесары,Амангелді сияқты батырларымыз ше?Олар туралы сериалдар неге түспейді? Енді түсіре қалсақ жас балалар жүрегінен орын ала алар ма екен?Алдында корей сериалдарын көрген балалардың көкейінде киногерлер солардан көшіріп алғандай күмәнді түйсік қалмас па екен.Осы жақтарына көңіл бөлінбегендіктері қынжылтады.Қалай десек те, бұл менің орталарыңызға тастаған жеке ойым.
