Өте жақсы сұрақ. Бұл қаһармандар туралы кітап оқумен шешілетін мәселе емес. Бұл жерде мәселенің психологиялық аспектілері үлкен роль ойнайды. Біріншіден, менің ойымша, өскен ортаңа байланысты. Сіз ата-анаңыз, ұстаздарыңыз тарапынан қағажу көрмей өссеңіз, әр ісіңіздің дұрыс-бұрыстығын сабырмен түсіндіріп, жол сілтейтін адам болса жақсы. Ол сіздің өмірде өзіндік пікіріңіздің қалыптасуына және оны іркілмей айта білуге жол ашады. Сосын , мәселен, өзіңіз таңдаған мамандығыңыздың қыр-сырын теориялық және практикалық жағынан да өзгелерден көш ілгері жетік білуіңіз қажет. Және өз салаңызда ғана емес, басқа салаларда да жан-жақты болуыңыз қажет. Себебі жан-жақты болмасаңыз, адамдармен пікірталаста өзіңізді олардан төмен санап тұратындықтан, үнемі өзіңізге сенімсіздік туады. Сосын адамдармен араласқанда өзіңізді жақсы көрсетемін деп тыраштанбай қалыпты, табиғи қалпыңызды ұстау керек. Өйткені біреулерге ұнаймын деп жасанды қалып көрсетсеңіз, кейін негізгі табиғи қалпымды көрсетіп қоямын-ау деп қорқып жүретін боласыз. Сосын жеңілгенді мойындай білу керек. Былайша айтқанда, шынайы болу керек. Менің айтып отырғаным - өзіңе сенімділікті қалыптастырудың бір парасы ғана. Ал жалпы, ең алдымен, психологиялық кітаптар оқу керек. Мәселен, мен америкалық психолог әрі оратор Д.Карнегидің "Как вырабатывать в себе уверенность" деген кітабын оқуды ұсынар едім...
