Менің мақтан тұтар жерім бұл мұнайшылар қаласы Жаңаөзен және де ақ гүл Ақтауым. Маңғыстау өлкесі 362 әулиесі бар қасиетті жерім, қарт Каспиімен шектесетін, таста қалған таңбалар тарихта сыр шертетін жерім міне осы менің мақтанышым. Сөздің майын ағызып айтатын зат көп, ендеше сендерге қысқа да нұсқа.
Маңғыстауым киелі
Пір-Бекеттің туған жері,
Мен үшін қымбат
Тау-тасы, теңіз, самал желі,
Қара алтын байлығы
Кәрі Каспий жағалауы,
Құдіретті аталардың
Қайтарған талай жауды,
Ата-баба салт-дәстүрі
Осы жерде сақталған,
Аңыз-жыры Маңғыстаудың
Ел аузында жақталған,
Жердің асты қара алтын
Төбемізде көк аспан,
Жағалаудан ақ гүл өсті
Көзге түсіп алыстан,
Сол ақ гүл Ақтауым
Қуанышым Ақтауым,
Мұнайлы тұрған Жаңаөзен
Жүректегі жақтауым,
Туған жердің тарихын
Еңсеспейік халықтан,
Жер жаһанға қазақтың
Адай күйін танытқан,
Оған қоса Маңғыстаудың
Адайы мен сарысы,
Жау астына тапталмаған
Қазақ адай намысы,
Бұл қала қасиетті
Әулиелердің мекені,
Таста қалған таңбалар
Тарихта сыр шертеді!
Жазған: Аманкелді Жақау.
