[Мына сайттан кеңес алуыңызға болады..][1]
Жүктілік кезінде көңіл күйіңді қалыпты, жақсы, көтеріңкі ұстау үшін және өз-өзіңе сенімді болу үшін не істеу керек? Ең алдымен, бойыңыздағы мазасыздықты тудыратын себепті анықтап алу қажет.
Көптеген әйелдерге жүктіліктің ең қиын кезеңі бірінші триместр болуы мүмкін. Бұл – ағзаның гормоналды ауысуы кезіндегі әйелдің әсершілдігіне байланысты. Кейде себепсізден-себепсіз бойын ашу қысуы мүмкін. Алғашқы токсикоз да біраз әуреге салады.
Егер әйел ұзақ уақыт бойы бойындағы мазасыздығын баса алмаса, жүйкесі шаршаса, ол біртіндеп сары уайымға (жабығу, торығу) салынады.
Сары уайымға салынудың белгілері төмендегідей:
үнемі бір нәрсеге алаңдау, абыржу;
жалғыздықты және өзін ешкімге керексізбін деп сезіну, айналасындағылармен қарым-қатынасын жоғалту;
көңіл күйінің құбылмалылығы;
созылмалы шаршағандық;
күнделікті істейтін әрекеттеріне қызығушылығын жоғалту;
басының жиі ауыруы;
асқа тәбетін жоғалту немесе сүйікті тағамынан жиіркену;
түнде қорқынышты түстер көру немесе ұйқысыздық.
Мұндай белгілерді байқасаңыз, міндетті түрде дәрігеріңізге айтыңыз. Мүмкін кейбір белгілерінде дәрі-дәрмектер (антидепрессант) қабылдау қажет шығар.
Қазіргі күнде жамандықтан гөрі, өмірде жақсылықтың көп екендігіне сену өте қиын. Сондықтан барлық ойыңызды тек болашақта ана болатыныңызды, сәбиіңізді жақын арада жылы құшағыңызға қысып, құмарыңыз қанғанша иіскеп-сүйетініңізді көз алдыңызға елестетсеңіз, көңіл күйіңіз лезде жадырап шыға келеді.
Жаныңызға жайлы әуендерді де тыңдауға болады. Анасының құрсағында жатып-ақ сәби сіз тыңдаған әуенді сезінеді. Немесе махаббатқа, сүйіспеншілікке толы қызықты кітаптар оқыңыз.
Кез келген жағдайда «Сабыр түбі – сары алтын» дегендей, сабырлы болуға тырысыңыз. Өзіңіздің денсаулығыңыз бен сәбиіңзді ғана ойлаңыз.
<font color='red'>Есіңізде болсын!!!</font>
Жүктілік – ауру емес, ерекше физиологиялық күй, бірнеше айдан соң-ақ көптеген әйелдер сіздің өсіп қалған ішіңізге қызығушылықпен қарайтын болады, ал токсикозға байланысты туындайтын сезімдер – уақытша нәрсе ғана.
Әрдайым жүзіңізден күлкі кетпесін, болашақ АНА!!!
[1]: http://ana-bala.kz/makala/жүктілік-бала-туу-кезеңдері/
