Егер елімізде ресми тіл ретінде орыс тілін алып тасап, тек қазақ тілін ғана қолдану туралы заң қабылданса құба-құп болар еді! Осы туралы да біраз дай-дамай туған болатын! Қарапайым халық қанша жерден айқайлағанымен билік, заң шығару орнының қолындағы нәрсе мұның барлығы. Алайда, халық та сол үшін бір үлесін қоса білуі керек, қазақ тілінде сөйлеу керек. Қазір, қағаз жүйесін, ресми іс-қағаздарын қазақ тіліне көшірді дегеніміз болмаса, көшіп жатқаны шамалы, қатынас тілі әлі де болса орысша. Сондықтан, студенттер, болсын орта жастағылар болсын, ақсақалдар болсын, аудиторияда қандай адамдар жиалса да, қазақ тілінің толық деңгейде өз елімізде Қазақстанда қолданылуын қалайсыз ба дегенде барлығы , ең болмағанда 90 пайыздың үстінде дауыс жинайтындай деңгейге жетуіміз керек. Бұл жерде шет тілдерін оқыма деп жатқан ешкім жоқ қой. Орыс тілді сыныптарды жабу керек, орыс тілін ағылшын тлі секілді ғана әлемдік тілге кіріспе ретінде оқыту керек. Шет тілдерін ағылшынды да, орыс тілін де керек болса қытай тілін, яки тағы бір тілдер қажет болған жағдайда әрбір азамат өзі-ақ үйреніп ала алады. Орыс тілін ресми тіл ретінде алып тастап, қазақшға көшу деген әлемдік экономикадан, әлемдік дамудан артта қалу деген сөз емес, бұл жерде тереңнен ойлау қажет! Керісінше, өз тілімізді сақтап қалмасақ, жаһандануға жұтылып кететін түріміз бар!
