Чех ғалымы Б.Грозный "Қасахи", "Касак" десе, қытай деректерінде "Каса", Хаса" делінген. Бұдан басқа бірнеше ғалымдардын еңбектерінде кездеседі. "Қазақ" терминін ерте заманға апарып тірегін әйгілі ғалым А.Н.Бернштам болды. Ол "қазақ" сөзі жайындағы В.В.Радловтың, Г.Вамберидің, В.В.Бартольдтің, А.Н.Самойловичтің, Н.Я.Маррдың, тағы басқалардың пайымдауын талдай келіп, "қазақ" сөзінің шығу төркіні мен қазіргі мағынасын екі дәуірге бөле қарайды. Яғни, "қазақ" деген сөздің түп-төркіні ежелгі замандағы каспи және сақ тайпасының бірігуінен пайда болған десе, ал "қазақ" сөзінің қазіргі мағынасы ("еркін адам", т.б. дегендер) кейін шыққан ұғым деп тұжырымдайды.
