Қыз бала ана ықпалында тәрбиеленгені,ал ұл бала әке тәрбиесімен өскені дұрыс.Себебі қыз балаға әкенің анасындай тәрбие бере алмайтын жерлері өте көп.Олай болса ұл балаға ананың да әкедей тәрбиеші бола алмайтын жерлері жеткілікті.Қазіргі заманда тек қана ана тәрбиесін алып өскен ұлдарымыз көбейіп кетті. Сондықтан да қыздарымызбен пікірлесе қалсаң болды, қазір ер мінезді ұлдар жоқ,бәрі апасының баласы,ынжық деген сөздерді көп естиміз.Бұл өте қорқынышты, осылай кете берсе ұлттың ұсақталуына,азғындауына апарып соғуы әбден мүмкін.Сондықтан да жанұя толыққанды болуы керек.Тәрбиені балабақша,мектепке артуға болмайды.Мектеп өзінің тікелей міндеті білім беру мен айналысуы керек,балабақша ата-ана жоқ кезде баланы бақылаумен айналысуы керек. Әр жанұяның өзіндік тәрбие стилі болуы керек.Адамдардың бәрін тек қана бір ережемен,бір ортадан тәрбиелеп шығарсақ не болар еді? Кәдігімгі инкубатордың балапаны болып шықпаймыз ба, осылай жалғаса берсе бір күндері бәріміз түстері бөлек,қалған жағынан бірдей болып шықсақ несі қызық? Бұл менің жеке пікірім болғандықтан артықтау кетсем алдын ала кешірім сұраймын.
