Иә, әрине. Ішкі араздасушылық қазақ халқын Ресейдің апанына апарып берді деп ойлаймын. Тәуке ханнан кейін билердің билігі күшейеді. Сол биліктен айырылмас үшін олар Ұлы хан ретінде өздері басқара алатын адамды қойғысы келді дейді-мыс. Кіші жүз ханы Әбілқайыр билердің осы қылықтарына ашуланып, Ұлы жүзбен Орта жүзді жоңғарлармен онда ары қарай өздері күрессін деп шайқас алаңын тастап кететін көрінеді.
Негізі, Әбілқайыр хан Жоңғарлармен татуласуға әрекеттенген. Алайда оның бауырлары “егер ол татуластырса, билігі одан сайын күшейеді” деп, Әбілқайырдың жоспарларын бұзып отырған. Батыр деген сияқты аты. Өлтірмеске болмады-ау деймін.
