«Сабырлық таныту – ол Алладан берілген сый және Алланың алдында сабырлықтан артық сый жоқ»,-деді.
«Егер құлдың басына қасірет түсіп және ол өз-өзін сабырлыққа шақырып: «Расында біз Алладанбыз және Оған қайтамыз. Ия, Алла! Осы қасіретте маған нығмет бере гөр»,-деп айтар болса, Алла ол құлын сый-сыяпатына бөлейді»,-деді (Имам Мүслім жеткізді).
Яғни, қасіретке тап болғандар жоғарыдағы хадисте келтірілген дұғаны айтатын болса, оның сабыр еткені үшін Алла оған тиісінше нығметке бөлейтін болады. Сондықтан біздер Алланың нығметіне бөленуді қаласақ, мына шарттарды орындауымыз қажет:
- Барлық сынақтың Алладан екеніне және тек Алла ғана қасіреттен құтқаратынына нық сенімді болу.
- Алладан басқа ешкімге шағымданбау.
- Алладан ғана үміт етіп, Алла үшін ғана қайғыға төзімділік таныту.
- Барлық сынақта бір Алланың даналығы бар екендігіне сенім білдіру.
Егер барлық проблемаңды Аллаға тапсырып үйренсең, өмірің сен ойлағаннан да жақсы жаққа ауысады. Барлық адамда сынақ шыңдау үшін келеді, оның артында үлкен нығметке дайын болу үшін. Өміріңді басқа арнаға бұрғың келсе құранды оқып үйреніп баста, Алланы тани баста, пайғамбарымыздың (с.а.у.) өмірбаянын оқып көр.
Әкеңнің арақ ішкені, өміріңнің осындай болғаны үшін ешкімді кінәлама, алдағы сүретін өміріңді өзің жаса.
