051301 - Жалпы медицина
Оқу мерзімі 5 жыл (медицина бакалавры) немесе 5 жыл + 2 жыл интернатура ( дәрігер квалификациясы тағайындалады) 5 жылдық оқуды тәмамдаған бітірушіге клиникалық іс-практикамен байланысты емес өз мамандығы бойынша жұмыс жасау үшін жоғары медициналық білімді «бакалавр» академиялық дәрежесіне иегер дипломмен бірге оқу жоспары бойынша игерілген несие және академиялық сағаттар көлеміне сай меңгерген пәндер тізімі мен бағалары туралы академиялық анықтама (транскрипт) беріледі. Медицина бакалавры оқуын магистратурада жалғастыра алады. 5 жыл + 2 жыл интернатураны тәмамдаған тұлғаға жоғары білімді білікті дәрігер дипломы беріледі. Осы дипломмен бәрге оұу жоспары бойынша игерілген несие және академиялық сағаттар көлеміне сай меңгерген пәндер тізімі мен бағалары туралы академиялық анықтама , интернатурада дайындықтан өткені туралы куәлік беріледі. 5 жыл + 2 жыл интернатураны тәмамдаған бітіруші заң тұрғысынан бекітілген жалпы дәрігерлік практика мен гигиена-эпидемиология бағытында дәрігер ретінде дербес практикалық қызмет етуге рұқсат беріледі. 5 жыл + 2 жыл интернатураны тәмамдаған бітіруші магистратура немесе резидентурада білімін жалғастыруға құқылы.
051102 - Қоғам денсаулығын сақтау
Оқу мерзімі 5 жыл.( қоғамдық денсаулық сақтау бакалавры академиялық дәрежесі тағайындалады.) «Қоғамдық денсаулық сақтау бакалавры» академиялық дәрежесін берумен жоғары білімі туралы диплом, меңгерген пәндер тізімі мен бағаларымен, игерілген несиелер мен академиялық сағаттар көлемі көрсетілген академиялық анықтама (транскрипті) беріледі. Бакалавриатта оқуды аяқтаған бітіруші қоғамдық денсаулық сақтауды ұйымдастырушы немесе гигиена және эпидемиология маманы ретінде дербес практикалық қызметке жіберіледі. Бітіруші оқуын әрі қарай магистратурада жалғастыруға құқылы.
051101 - Мейірбике ісі
«Мейірбике ісі бакалавры» академиялық дәрежесі тағайындалады. «Медицина мейірбикесі» біліктілігі беріле отырып, жоғары базалық білімі туралы дипломы мен бірге оқу жоспары бойынша игерілген несие және академиялық сағаттар көлеміне сай меңгерген пәндер тізімі мен бағалары туралы академиялық анықтама (транскрипті) беріледі. «Мейірбике ісі» мамандығы бойынша оқуды тамамдаған түлек заңдарға сәйкес бас дәрігердің Мейірбике ісі бойынша орынбасары, жетекші медбике, мейірбикелік күтім ауруханасының, хоспистің, денсаулық пунктінің меңгерушісі, ЕАМ бөлімшесіндегі жетекші медбике, медициналық колледждерде мейірбике ісі мамандығын дайындайтын оқытушы қызметтерін атқара алады. Мейірбике ісі бакалавры оқуын магистратурада жалғастыруға құқылы.
Мұңал
пікір
