Программист мамандығы бұл заманда зор сұранысқа ие. Себебі осы программистер сан түрлі бағдарламаларды жасайды. Мысалы — ұялы телефонға ойындар, компьютерге арналған пайдалы бағдарламалар, сайттар, есептеу бағдарламаларын және т.б.
Оның ішінен IT маманы - қазіргі заманның ең сұранысқа ие мамандықтарының бірі. Жиырма бірінші ғасырда ақпарат бәрін шешеді, және іс жүзінде ешбір сала ақпараттық технологияны қолданбай жұмыс жасамайды. Демек, жұмыс істеп тұрған және жаңадан ашылған кәсіпорындар үшін, сондай-ақ осы саланың мамандарына арналған арнайы бағдарламаларды әзірлеу мен жүзеге асыруға жоғары сұраныс үнемі туындайды.
