ҚР бас урологы, Б.Жарбосынов атындағы ғылыми урологиялық орталығының бас директоры Мырзакәрім Алшынбаев өткен жылдың күзінде «Ер адамдардың тек 10 пайызы ғана өз еркімен уролог-дәрігерлерге көрінеді» деп мәлімдеген еді. Бас урологтың айтуынша, «Ер адамдардың денсаулығы күндері» жобасының аясында 16 қалада 4 мың ер азамат тексерілген. Олардың 83,3 пайызынан уроандрологиялық патология белгілері анықталыпты.
«Ер адамдардың тек 10 пайызы ғана өз еркімен уролог-дәрігерлерге көрінеді»
Бұдан бұрын «Қазақстандағы ерлердің 70%-ы сау емес: 30%-ы белсіз, 42%-инфекциялық аурулармен ауырады, емделуі керек» деген сипатта мәлімдеме жасап, елді елең еткізген болатын.
Демек, қазақстандық ер адамдардың арасында жыныс ауруларымен ауыратындар өте көп. Статистикалық деректер көңіл көншітпейді. Осы себепті де «Еркектердің жыныс аурулары дегеніміз не, оған қандай ауру түрлері жатады? Алдын-ала тексерілу қалай жүргізіледі?» деген сауалдарға жауап іздеп көрдік.
– Жыныс ауруларының түрі көп. Сондықтан да бұларды басты үш топқа бөледі. Жыныстық органдардың инфекциялары, жыныстық органдардың ісіктері және жыныстық қатынаспен жұғатын аурулар.
Инфекциялық аурулар жыныстық органдарды суықтатып алу, және т.б жолдармен пайда болса, жыныстық қатынас арқылы жұғатын аурулардың өзі венерологиялық аурулар деп аталады. Жыныстық органдардың ісіктері де алуан түрлі: қуық асты безінің ісіктері, жұмыртқаның ісіктері, жыныстық мүшенің ісігі болуы мүмкін.
Толығырақ: https://kz.otyrar.kz/2014/04/emdelmegen-erkek-%D2%B1rpa%D2%9Bsyz-%D2%9Balady/
