1) Көрісу күні көбіне Қазақстанның қай аймағында тойланады?
"Ол еліміздің батыс аумақтарының тұрғындарына ғана қатысты емес. Ол бастапқыда тек Атырау, Маңғыстау облыстарына кеңінен танымал болғандықтан шығар, көбі көрісу күні тек батыста аталып өтіледі деп ойлайды.
Бұл қонақжай қазақ халқына ортақ дәстүр. Оны бөліп-жаруға болмайды.
2) Көрісу жылдың қай мезгілі қай күнінде тойланады?
Жаңа жылды Байбақты Қазыбек күнтізбесі бойынша қарсы алатын аймақ тұрғындары 14 наурызды «Көрісу (яғни қауышу) күні» деп те атайды.
3) Көрісу күнінің мақсаты қандай?
- Көрісу күні бұрынғы өкпе-реніш кешіріліп, араздық ұмытылады, көрші-көлем бір-бірін шеке асына шақырып, меймандардың отбасына, ағайын-туыстарына амандық-саулық, құт-береке тілейді.
4) Әлдеқандай себептермен 14 наурыз күні болмаған немесе сырт жақта жүрген кез келген адам көрісуді қалай жасайды?
- Әлдеқандай себептермен 14 наурыз күні болмаған немесе сырт жақта жүрген кез келген адам ауылға жолы түскен бойда қариялардың қолын алып, сәлем беруге тиіс
5) Көрісу күнін қай жылдан бастап тойлайды?
-Кейбір тарихи мәліметтерге сүйенсек, Жаңа жыл - Ұлыс күнін тойлайтын қазақ Көрісу күнін 1918 жылдан бастап тойлайтын болған.
