Қазақта о дүниелік адамды түсінде көрсе, иіс шығарып құран бағыштайды. О дүниелік болған адам дәметіп жүр деп.
Классикалық түс жору. Өлген адам.
Түсінде қайтыс болған туысқанын көрген адам өмір сүру салты мен қағидаларын қарастыру керек. Қателік жасамау үшін, ағат қадам баспау үшін өміріңізді өзгертуіңіз керек болар. Өзіңізді шыңдап, жұмыс істеңіз.Өлі туыстарыңыз түсіңізге тіріліп келіп, сізбен сөйлесе бастаса, – қашпаңыз. Олардың айтқан сөзіне құлақ асыңыз. Сіздің санаңыз жаныңызға қымбат адамдардың бейнесі арқылы тығырықтан шығар жолды ұсынып тұр. Бәлкім, қайтыс болған туысыңызды көп ойланып, есіңізге алған боларсыз? Бұл да ол адамды түсіңізде көруіңізге түрткі болған шығар.
Өлі адамдарды түсінде көру – күтпеген жаңалыққа, туысқандарыңызды көру – қуанышқа, достарыңызды көру – маңызды жаңалықтарға. Қайтыс болған алыс туысқанын көрген кәсіпкер сақ болуы керек, оны қапалы жаңалықтар күтіп тұр. Тірі танысыңызды өлі адам ретінде түсініңізде көрсеңіз, ол адам өмірде сізге талай машақат әкеледі. Өлі адамды көру – ауа-райының күрт өзгеруіне.
Түске кірген адам бұрын қайтыс болса, отбасын үлкен жаңалық күтіп тұр. Өлген адамдардың кеңесіне құлақ асу керек екендігі ғылыми тұрғыда дәлелденіп қойған. Себебі, ұйқыдағы демалыс уақытында адамның санасы қиындықтарды шешетін тиімді жолдарды дұрыс табады. Қайтыс болған досыңыз сізге айналадағылармен сөз тап, келісімге кел деп хабар береді. Сондықтан, қапалы досыңызды көрсеңіз, жаныңыздағылардың көңілін табуды үйреніңіз. Өлі адам басқа адамның өлімі туралы хабарласа, ол адамды өмірде қиындықтар күтіп тұр. Қайтыс болған досыңыз немесе құрбыңыз қандай да бір бұйымтай айтса, оны міндетті түрде орындау керек. Өлі достарының шағымын есту – нашар жаңалықтарға.
