NASA ғарыш агенттігі кезекті жаңалығымен бөлісіп, жұртты тағы бір таңғалдырды. Бұл ақпарат Сатурн ғаламшарының серігі Энцелад турасында. Энцелад – мұздық қабаттармен қабаттасып жатқан ғаламшараралық Сатурнның серігі. Ғалымдардың зерттеуіне қарағанда аталған серіктен өмір сүруге болатын, тіршілікті өмірмен қамтамасыз ететін сутегі молекуласы табылған. - 201 градустағы суықтықты көрсететін Сатурн серігінің күн өтпейтін қалың қабатына қарамастан ондағы судың ең төменгі қабаты ыстық болуы мүмкін деп күтіліп отыр. Тіпті +90 градус су қайнап жатуы да ғажап емес. Таңданарлық құбылыс. Бірақ ғалымдар әлі де зерттеу жұмысын жасап жатыр. Егер сіз астробиолог болсаңыз, бұл ақпарат сізді ары қарай қызықтыру керек. Себебі онда өзге ғаламшарлықтар өмір сүруі мүмкін. Энцелад серігінен табылған сутегі молекуласы керемет жаңалық болғанымен, ғалымдарды қызықтырған ол емес, ең басты жаңалық – онда тіршілік көзі болуы ықтимал деген болжам. Егер тіршілік бар болса, олар кімдер немесе нелер болуы мүмкін? 2015 жылы жасалған зерттеу кезінде алынған түрлі органикалық заттар бұл серікте тіршілік бар деп келеді. NASA агенттігінің астробиологы Рокко Маничелли былай дейді: «Менің ойымша, Күн жүйесінде біз өзімізден басқа тіршілік иесін табатын болсақ, ол микроағза болары анық. Тіпті өзі болмаса да құрлысы мен құрылымы, түрі осыған сай келеді. Бізді алаңдатып отырған сұрақ: бұл жерде тіршілік қалай өмір сүруі мүмкін? Өмір сүру үшін қуат көзі керек. Ал бұл Энцелад серігінде күн сәулесінің ұшқыны да жоқ. Ал күн сәулесі болмаса, ол энергияны қайдан алады? Сондықтан да ол тіршілік иесі микроағза болып қала береді».
Осы идеяны ойға ала отырып жазуға болады.
