Жігітіңізге өзіңіз де сенімсіз сияқтысыз ғой. Егер оған сенсеңіз ата-анаңызбен дұрыстап бірге сөйлесер едіңіз. Ата-ана көбіне баласының бағын ойлап солай ақыл айтады ғой. Бірақ ол ақылды қаншалықты шындыққа жанасатынын өзіңіз ой толғап шешесіз, рас па? Сіздің сенімсіз болып тұрсыз дегенім осыдан шығады. Егер махаббат шынайы болса, және жігітіңіздің іскерлігіне келешекте отбасын асырай алатын азамат боларына көзіңіз жетсе , оны ата-анаңызға өзіңіз-ақ түсіндіріп қояр едіңіз.
Жағдайы нашар отбасыдан шыққан адам жағдайын көтере алмайды деген заң жоқ қой. Керісінше тек өзіне сенетін еңбекқор болып өсер. Не дегенмен атаның малы балаға мал болмайды ғой.
Ата-анаңыздың сөзі қаншалықты шындыққа жанасатынын отырып ойланып қараңыз. Бірақ, Тек материалдық жағдайға қараймын деп сізді бір қадірсіздің қолына ұстатып жібермесін.
