Үйіңізге Wi-Fi орнату үшін жергілікті ҚазақТелеКом компаниясының қызмет көрсету орталығына барып өзіңізге ұнаған қызмет түрін таңдап, сатып аласыз. Үйіңізге жеткізіп 7 күн ішінде орнатып беріледі деп жазылған сайтында. Ол сымды интернет желісі.
Одан өзге симкарта арқылы :
Beeline 4G Wi-Fi-роутері бір SIM-картаның көмегімен сымсыз интернетке (Wi-Fi) бір мезетте бірнеше құрылғыдан: телефондардан, смартфондардан, планшеттер мен ноутбуктерден 10 қолданушыға дейін қосуға мүмкіндік береді.
Маман шақырудың қажеті жоқ, SIM-картаны белсендірсеңіз, барлық баптаулар өздігінен орнатылады! 4GWi-Fi-роутер тек Beeline SIM-картасымен жұмыс істейді.
Жиынтыққа не кіреді?
1. Жылдамдығы жоғары Wi-Fi-роутер.
2. Арнайы тарифтік жоспары мен 40 ГБ интернет-трафигі бар SIM-карта.
3. Өздігінен орнатылатын және компьютеріңіздің барлық қажетті баптауларын жүзеге асыратын бағдарламалық қамсыздандыру.
4G Wi-Fi роутердің мүмкіндіктері:
- Бір уақытта 10 құрылғыға дейін сымсыз қосылу: тұрақты компьютер, ноутбук, планшеттік компьютер, смартфон, интернет-теледидар - Wi-Fi модульі бар кез келген құрылғыдан қосылуға болады.
- Жылдам қосылу: маманды шақыру және қосылуды күту қажет емес.
- Орнату қарапайымдылығы - роутер қандай-да бір орнатуды қажет етпейді. SIM-картаны модемге орнатыңыз да, оны ұяшық арқылы компьютерге қосыңыз – USB бағдарлама өздігінен қосылады!
- Меншікті жергілікті желі – роутер интернетке қосылуға арналған Wi-Fi желісін құрып қана қоймайды, сонымен қатар желі ішінде мәлімет алмасуды қамтамасыз етеді.
- Жылдамдық – роутер GSM/EDGE, 3G және 4G (LTE) желісінде жұмыс істейді.
- Қауіпсіздік – құрылған Wi-Fi-желісіне рұқсатсыз қосылудың алдын алу үшін, роутер мәліметтерді WPA және WPA2 хаттамалары бойынша шифрлауды қамтамасыз етеді.
- Қызметтердің ақысын төлеу - қызметтердің ақысын, ұялы байланысқа төлеген жерде төлеуіңізге болады.
- Қызметтерді ыңғайлы басқару - 4G Wi-Fi-роутер интерфейсінде бір пернені басу арқылы теңгерімді тексеруге, қосымша амал-шарттарды қосуға және өшіруге болады.
- Роутерді жергілікті техника сататын дүкендерден немесе интернет дүкендерден сатып алуға болады.
