Жаман қасиеттері:
Арамзалық - арамдығы жоғары, ниеті жаман адамның қасиеті. Арамза адам өзгелерді алдасам, олардан пайда тапсам деген ниетпен жүреді. Алайда өзгеге жамандық ойлаған адамның өзінде еш уақытта жақсылық болмайды.
Арсыздық - ар-намысы жоқ, ұятсыз, абыройсыз адамның адамгершілікке жат кылықтары мен мінез-кұлқы. Абай атамыз: «Өзін-өзі күндейді, Жақынын жалған мінейді, Ол - арсыздық белгісі», - деп айтса, Шәкәрім атамыз: «Айла, өтірік, арсыздық өнер емес, Мен де анаудай болсам деп таласарлық», - деп түсіндірген.
Еріншектік - еңбекке зауқы соқпайтын жалқау адамның қасиеті. Қазақ халқы еріншектіктің жаман қасиет екенін үнемі даналық сөздермен білдіріп отырған. Соның бірі - ұлы ақын Абай атамыз кейінгі ұрпаққа бұл қасиетті мынадай сөздермен таратады: «Адам баласын қор қылатын үш нәрсе бар: Әуелі - надандық, екіншісі - еріншектік, үшіншісі - залымдық; Еріншектік - күллі дүниедегі өнердің дұшпаны». Сондай-ақ «Еріншек етікшіден, елгезек масақшы артық», «Жабайы шөп егінді аздырар, еріншектік ерді аздырар» деген сияқты мақал-мәтелдерді айтып кетуге болады.
Жалқаулық - кежегесі кейін тартып тұратын еріншек адамның қасиеті. Жалқаулық - адамның ең нашар қасиеттерінің бірі. «Алма піс, аузыма түс» дейтіндердің кейпін киген жалқау адамдар көп жақсылықтан құр қалады. Ұлы Отан соғысының Батыры Бауыржан Момышұлы атамыз «Еңбек түбі - рахат, жалқаулық түбі - азап» деген насихат айтып кеткен.
Жақсы қасиеттері:
Сезімталдық
Жалпы қоғамдық қалыптасқан пікір бар: келбеті келісті адам тартымды көрінеді деген, алайда бұл қате ұғым. Тартымды болуға мұның қатысы жоқ. Тартымды көріну бұл – өзіңді байсалды ұстау басқаларды өз ырқына бағындыру үшін өз - өзіңе сенімді болу.
Мақсаты айқын
Адам көздеген мақсатын анықтап алуы керек, мақсаты айқын болған кезде күресе біледі және мақсатына жетпей қоймайды.
Әзіл - оспақты түсіне білу
Бұл адамның елеулі ерекшеліктерінің бірі болып саналады. Әзіл - оспақты түсін білетін адам кез келген ортаның гүлі және қызықты жан ретінде есте қалады. Кейде орынды айтылған әзіл атылған садақтың жебесіндей адамды сеспей қатырады.
Икемділік
Бет - әлпетің қанша әдемі тартымды болса да, денеңді түзу ұстап жүрмесең бұл сұлулығыңа кесір. Егер сәнді қозғала білсең – би билеуде ме, жай жүрісіңде ме мүмкін тіл байлығында ма, бұл келбетіңді одан сайын безендіре түсері анық.
Сенімділік
Иығы салбырау, баяу, сенімсіз шыққан дауыс, жеке пікірі болмауы мұның бәрі – тартымсыз тұлғаның белгілері болып есептеледі.
Батылдық
Дүдәмал күй жағымды қарым - қатынас орнатуға ықпал етпейді. Батыл да еркін болуы керек: қандай балмұздақ жегің келгеннен бастап қай елде өмір сүргің келетініне дейін өзің шешу керек.
Ақылы жетік адам
Ақылды адам – өмір туралы дұрыс ой қорыта алады. Кез келген адамның жағдайына түсіністікпен қарау – бұл жағымды қасиет, адамды тартымды етіп көрсетеді.
Нақтылау
Адамның сыртқы келбетіндегі кішкентай ғана деталь, ол тіпті көрінер көрінбес болса да адамның назарын аударады және ол мәңгі есте сақталып қалады. Сондықтан детальға назар аударыңыз.
Қызықты сұхбат құра білу
Мұнда ой - өрістің кеңдігі ғана емес, сұхбаттасып отырған жанды тыңдай білу де маңызды. Тек өзің ғана сөйлеп, өзің туралы айта беру әбестік. Әңгімелесіп отырған адаммен тепе - теңдік сақтау қажет.
Ерекше қасиет немесе қылық
Әр адамның бойында өзіндік ерекше қасиеті (қылығы) болады. Кейбіреулер ол қасиетін аша алмайды кейбірі тіпті оны кемшілік деп есептейді. Алайда, адамның сол қасиеті басқалардан ерекшелеп тұрады. Сондықтан ешкімді қайталама, өз - өзіңмен ерекше бол!
Адамның келбеті уақыт келе өзгереді, ал ерекше қалыптасқан тұлғаңыз мәңгі қалады.
