Қазір бәрінен бұрын тұрғылықты жері бойынша ыңғайлы емханаға тіркелу керек. Олар сол жерде қажетті медициналық көмек алады. Сонымен қатар учаскелік дәрігерді үйіне шақыра алады. МСҚ аясында қандай санатқа жататыныңызды анықтап алудың да маңызы зор. Сіз: жеңілдігі бар санатқа жатасыз ба, жұмыскерсіз бе, жеке кәсіпкерсіз бе немесе белсенді емес тұрғындар қатарындасыз ба? Осыны анықтап алыңыз. Себебі төленетін сақтандыру төлемдерінің көлемі мен аудару тәртібі осыған байланысты болмақ. Өз статусыңызды электронды үкімет порталы арқылы да тексеруге болады.
