Махаббат деген не өзі? Махаббат дегенде алып-ұшпа сезімді айтасыз ба, әлде сыйластықты ма? Өмірде көп жағдайда сезімі жоқ бола тұрып, болашақта өнегелі отбасы құру үшін жақсы адамға тұрмысқа шығып, немесе жақсы бір адамға үйленетіндер болады. Оларда әуелде сезім болмаса да, кейін сыйласып үлгілі отбасын құрып, үбірлі-шүбірлі болады. Мысалы, қазір кімді таңдайтыны адамның өз еркінде ғой, солай емес пе?! Бұрынғы заман емес, басыбайлы, біреудің айтқанына көнетін, солай бола тұра ажырасу неге көбейді? Әуелде осы сезімнің сиқырына еніп, кейін мінездері үйлеспей қалғандар шығар, бәлкім?!
