Сәлем, талапкер!
Ең алдымен өз жүрек қалауыңызды таңдап шешім қабылдағаныңыз жөн. Мамандық пен жар таңдаудан адам қателеспеуі керек дейді. Басқалардың қалай қарайтынына көңіл аудармаңыз деп кеңес берер едім, себебі ол сіздің болашағыңыз, өз болашағыңыз үшін өзіңіз жауапты екенін естен шығармағаныңыз абзал. Ал енді география мамандығы бойынша жақсы мамандықтар көп, сұранысқа да жақсы ие. Өзіңіз айтып кеткендей, алдыңғы қатарда тұрғандары қаржы, экономика, туризм... Бұл мамандықтардың оң жағы жалақысының жоғарылығы, қоғамдағы сұранысқа ие болуы, ал теріс жағы бұл мамандықтарға көп адамдар тапсырады, бәсекелестік жоғары және кейін бітіргеннен кейін де жұмысқа орналасу қиындығы бар деп айтып жатады замандастарымыз. Алайда әр нәрсенің оң және терісі бар болғандықтан кез келген қиындықты жеңіп, шешімін табуға болады, жүрегің осы саланы қалап тұрса іске сәт.
