Соңғы кезде өз кəсіптерін ашып жүрген "қазақ қыздары" жайлы көп əңгіме айтылып жатыр. Əсіресе жақында өткен "Əйелдер бизнес форумынан" кейін қызығушылық арта түсті. Кейбір азаматтар "Қыз бала отбасына қарау керек, үйде отырсын, сондайлардың себебінен ажырасу, отбасы құрмау, бала таппау деген көбейіп барады" - дейді, ал басқалары "қазіргі заманда қыз да тəуелсіз болуы керек, қолынан келсе кəсіппен айналысқаны дұрыс" - дейді.
Қасымдағы Ұлбала деген жас кəсіпкер қарындасымыз жайлы айтып берейін мысал ретінде. Өзі жоғары оқу орнында студент бола тұра үш ай бұрын өз кəсібімді ашқым келеді деп біздің кəсіпкерлік мектепке келген болатын. Жеке бизнесімді ашқым келеді, бірақ неден бастарымды білмеймін, ойымда бірнеше бизнес идея бар, бірақ қайсысын таңдарымды білмей жатырмын дейді. Өзің не жақсы көресің десем, бірнеше жылдан бері бимен айналысамын, бірақ ол салада бизнес аша алатыныма күмəнім бар дейді. Менің кеңесімді тыңдасаң өзіңнің жақсы білетін, сүйіп істейтін салада бизнес ашқан дұрыс дедім.
Міне, үш ай өткеннен кейін Ұлбаланың қазіргі күні "Тұмар" деген би тобы бар, Қазақстанның əртүрлі қалаларынан тапсырыстар қабылдап, сүйген ісі арқылы өз кəсібін дамытып жүр. Ұлбала бизнес курстағы біраз жігіттерден де асып түсті кəсіптегі нəтижелерімен.
Сіз қалай ойлайсыз, қазақ қызына өз кəсібін ашқан дұрыс па?
Мейірбек Жұмабеков
