Қасты теру, химиялық бояулар қас түктердің қалыпты қоректенуін бұзады. Нәтижесінде қасыңыз сиреп түсіп қалады. Қасты бояуға арналған химиялық қосындылар қолданар болсаңыз, қасқа қосымша күтім жасау керектігін ескере жүріңіз.
Сиреген қасқа қоректендіргіш бетмайлар және өсімдік майларын жағыңыз.
Қасты қалай өсіруге болады?
Қас талшықтарын нығайтып өсіруге арналған май қосындылары: кастор, зәйтүн, камфор майларын араластырып, қасқа жағып, 15 минут бойы күтіңіз. Кейін құрғақ мақтамен майды сүртіп алыңыз.
Қастың өсуі үшін: вазелин майы, балауыз және кастор майының 5 тамшысын араластырып қасқа жағу керек. Осы майды аптасына 2 рет жағыңыз.
Шабдалы дәнінен алынған май қасты қатайтып өсіре алады. Ол үшін майды жылытып, 15 минутқа жағып қойған дұрыс. Осылай үнемі күтім жасасаңыз қасыңыздың қалыңдап, әдемілене бастағанына көз жеткізесіз.
Майларға дәрумендер қосып көріңіз: шырғанақ, түйешоған, кастор, зығыр майларына А және Е дәрумендерін қосып, компресс жасаңыз. Бұл күтім қастың өсуіне, түспеуіне және құрғамауына көмектеседі.
Источник:http://comode.kz/post/uhod-za-soboj/as-ktimi/
