Әй адам баласы, мен күллі тіршілік иесінің жанына қуат беріп, оған мейіріммен жылу сыйлап айналасына шуақты махаббат көзімен қарау үшін жаралдым. Кейде сендер бойларыңды еріксіз билеген ашуға, ызаға, көре алмаушылық жат қылықтарға бөгде істерге мені араластырып, менің атыма жаман ат келтіресіңдер. Болмашыға күйзеліп, менің жұдырықтай жаныма ауыртпашылық саласыңдар. Мен сенің бойыңа қан болып тарап, 62 тамырыңды идіріп жылулық сыйлауға күш жұмсаймын. Менің бойымды рухани тереңдетіп, жақсылықпен нәрлендірулеріңді сұраймын...
