Абайды тану – қазақты тану деген сөзді жайшылықта бәріміз де жиі айтамыз. Абай Құнанбайұлының атындағы көше мен мектеп республиканың әрбір ауданында бар. Оның атындағы көше мен ескерткіші бірқатар шет елдерде де тұр деп мақтанамыз. Алайда бүкіл адамзатқа тән рухани құндылықтың көкейкесті мәселелерін талдаған құнды еңбектерімен тек елімізде ғана емес бүкіл дүниежүзінде мойындалған Абай Құнанбайұлының атында елімізде Шымкент пен Қызылордада саябақ, Таразда сквер, Алматыда алаң ғана бар екен. Бұл аз ба, көп пе?
