Қазақ қызын еркелетіп, оң жағында өсірген. Жақсыны беріп, жақсыны үйретті. Көшкенде аттың жақсысына қыздарын міндіріп, түйеге күйме байлап, қырмызы қыздарын сонда алып жүрген. Дегенімен де, есек көнбіс, ыңғайлы көлік ретінде пайдаланғандықтан, мал бағуға ұсталды. Әкесіне тамақ апарып, біршама жерге жету үшін қыздар мен әйелдердің аракідік есек мініп кететін кездері де кездесіп қалатын. Алайда, қыз баланы есекке мінгізуді жөн санамайтын, ата-бабамыз. Клипке келер болсақ, ауылдағы, қазіргі күннің бейнесін көрсететін сюжет бұл. Бір үйдің ерке қызы есекке де мініп кете береді ғой, кейде. Ондай жағдай кездесіп қалады. Жалпы есек бізге саудв-саттық арқылы, жібек жолымен жетті. Сол өзбек, тәжік, түркімен ағайындардан алмасты. Ыңғайлы, еңбегі адал бейшараны арғымақтың жалын тартып мініп, желмен жарысып өскен қазағым соң көрмейді. Еңбегін пайдаланып, жұмыс атқарғанымен де, қыздарына тырпыңдатып мінгізіп қоюды жақтырмаған-ды. Ауылда есек мініп шапқылап кететін тентек,ерке кыздар кездесіп қалуы, бүгінгі күннің еншісінде.
