егер, шынымен сезіміңді білдіру аса қажет болса, оған тікелей «мен сені жақсы көремін, сүйемін, сенсіз өмір сүре алмаймын» деп айту орнына, жан сырыңды өзіңнің ерекше ықыласыңмен, көзқарасыңмен де білдіруге, сездіруге әбден болады. Жігіттер үшін өзін қолдау, оның ойымен санасу, оны бағалай білу – аса маңызды. Сондықтан, оның жақсы істері болса, соларды ұнатқаныңды, қолдайтыныңды айтуға, кейде, қажет болса онымен кеңесіп, ақыл сұрауға да болады. Осындай ештеңені талап етпейтін достық қарым –қатынас барысында оның өзіңе деген көзқарасын, сені қаншалықты бағалайтынын және оның өзге қыздар туралы да ойын да байқауға болады. Жақынырақ біліскен соң кейде ол туралы көзқарасың да өзгеруі мүмкін. Асығудың қажеті жоқ.
Егер сен әдепті болсаң, өзіңді хан қызындай тап–таза, әп–әсем ұстауға үйренсең, өсек–өтіріктен, бос сөзден аулақ болсаң, ақылды болсаң – ең керемет жігіттер тек саған ғана қол созары анық.
Қатерлі шақ жастықта біліне ме,
Сақтық қажет албырттық гүліне де
Қыз баланың жігітке сүйем деуі
Жараспайды ғасырдың біріне де.
Тегін бақыт уақыттан алынбайды
Сүйемін деп қыз бала жалынбайды.
Өзгермейді жүрегі жігіттердің,
ЭВМ–ға махаббат бағынбайды.
Қыз үлесі қашан да болу ана,
Ол үшін жоқ сүюдің жолы жаңа.
«Жаным» деген жігітті жек көрмеңдер
Өзі сүю қыздардың соры ғана!
