Елбасы ұсынған 100 нақты қадам деп аталғанымен, әрбір салаға қатысты ол одан да нақтырақ болу үшін сол саланың мамандары өздерінің кәсіби міндеттеріне сәйкес одан әрі тағы нақтылауы, одан әрі сол саланың қосалқы саласы (мысылы, ғылыми зерттеу институты болса, оның қосалқы саласы зертханасы, ЖОО болса, оның кафедрасы және т.б.) нақтылай түсуі керек шығар. Мұнда басты көңіл бөлетін мамандардың біліктілігі ғана емес, әрі материалдық жағдай да ескерілуі тиіс. Ондай материалдық жағдайдың бірі мысалы, ғылыми зерттеу мекемелері үшін зертханалардың қазіргі үлгідегі техникалық құралдармен жабдықталуы болып табылады.
