+1 дауыс
24.0k көрілді

Мешін жылы сіз үшін қандай болмақ? Жұлдыз-жорамал 2016

Мешін жылында өмірдің әр саласы түрлі оқиғаға толы болмақ. Қазір көңіліңізден шықпай жүргеннің бәрі: жеке өміріңіз, денсаулығыңыз бен қызметіңіз жақсы жаққа өзгермек. Тек мұны шын көңілмен қалау керектігі есіңізде болсын. Жұлдызнаманың әр белгісінің өз құпиясы бар.

ТОҚТЫ

Тоқты жұлдызымен туылғандар Мешін жылында артық уайымсыз, тоқшылық пен тұрақтылықта өмір сүреді. Десе де, артық шығынға ұшырамаудың жолын біліп, әр қадамыңызға мейлінше мұқият болғаныңыз жөн.

Тоқтылар өздерін жұмыс орнында жақсы сезінсе, істеген ісі де табысты болмақ. Ал ол үшін жұмыс орнын кез келген жобаға құлшыныспен кірісетіндей әрдайым шабыт алатын ерекше бұрышқа айналдырыңыз. Бұл қызмет сатыңыздың жоғарылап, алдыңыздың ашық болуына себепші болмақ.

Мешін жылы отбасын жаңа құрған Тоқтылар үшін тосынсыйға толы болмақ. Олардың барлығы да тек әдемі естеліктерімен есіңізде қалады. Ал өмір ағысы бар салада тек жағымды жаңалыққа толы болсын десеңіз, жақындарыңызға мейлінше көп уақыт бөлуге тырысыңыз.

ТОРПАҚ

Көптен күткен марапаттау сәті де туды. Қызметіңіздегі жақсы жаңалықтар сізге тек қуаныш сыйламақ. Қолға алған істеріңіз оңынан болып, нәтижесі ойыңыздан шығады.

Жеке өміріңіз үшін қам жемеуіңізге болады. Айтарлықтай қиындық немесе келеңсіз оқиғалар орын алмайды. Сізді бар болмысыңызбен қабылдап, жоғары бағалаушылар қатары артады.

Денсаулығыңызды әрдайым назарда ұстаңыз. Ас мәзіріне көңіл аударып, «Ауру астан» деген қағиданы ескеріңіз. 2016 жылы өмір бақи есіңізде қалар саяхатқа аттануыңыз мүмкін.

ЕГІЗДЕР

Бұл жұлдызбен туылғандар қолынан бірнәрсе келмесе, көңіл күйі түсіп, күйзеліске тез ұшырайды. Мешін жылында Егіздерді күйзеліске ұшыратар сәттердің орын алатыны жасырын емес. Бірақ олар кез келген сынаққа төтеп беруге дайын.

Жұмыс – Егіздер өмірінің негізгі бөлігі және олар ақша табудың жолдарын жақсы біледі. Десе де жеке кәсіп пен күмәнді жобаларға көп жақындамаған жөн.

Жоғарыда айтылғандарға қарамастан Егіздер әрдайым сүйіктілері мен жақындарының назарында болып, түрлі сыйлықтармен көңілдері көтеріңкі жүрмек.

ШАЯН

Егер Шаян жұлдызымен туылған жандардың екінші жартысы болмаса, олар оны жаңа жылда міндетті түрде кездестіреді. Ал отбасы бар Шаяндар көптен бері тыныштық бермей жүрген – несие, тұрғын үй сынды үлкен мәселелермен қатар тұрмыстық кикілжіңдердің де шешімін таппақ.

Жаңа жылда бұл жұлдыз өкілдері материалдық қажеттіліктерге мұқтаж болмайды. Демек, қаржылық қыспақтан қорқудың қажеті жоқ.

Бас аурулары мен көңіл күйдің тұрақсыздығы мазаласа, үй жануарлары – мысық, ит жақсы дос бола алатынын ескеріңіз.

АРЫСТАН

2016 жылы бұл жұлдыздың табыс кілті көтеріңкі көңіл күй мен өзіне деген құрметте болмақ. Өзіңізге әрдайым күтім жасап, денсаулығыңызға мұқият болыңыз. Сондай-ақ тым әсірешілдікке бармай, кез келген жағдайда сабырлы, ұстамды болыңыз. Мешін жылы Арыстандарды әрдайым олардың жанынан табылып, көмек қолын созатын ерекше жанмен табыстырады.
Сезімге тым берілмей, ақ пен қараны ажырата біліңіз. Шын сүю мен сүйікті болу оңай еместігін ұғыңыз. Өйткені Арыстандардың тартымдылығы бұл жылы көптеген жаңа қатынастардың бастамасы болмақ.

БИКЕШ

Бикештерді жаңа адамдармен кездесу, қызықты саяхат күтіп тұр. Десе де, өзіңіз үшін ненің маңызды екенін білгеніңіз жөн. Барлығына бірдей күш те, уақыт та жетпейтінін ескеріп, алдыңызға нақты мақсат қойыңыз.

Жалғызбасты Бикештер 2016 жылы арманындағы жанды кездестіреді. Ал жұбы барлардың қарым-қатынастары жаңа кезеңге өтпек.

Артық салмақтан арылғысы келетін Бикештер үшін қолайлы уақыт туады. Дене жаттығуларымен мейлінше көбірек айналысуға тырысыңыздар. Өздеріңізге сенімділіктеріңіз көп нәрсеге жол ашпақ.

ТАРАЗЫ

2016 жылы Таразылар үшін бастысы жұмыс болмақ. Егер тырысып бақса, еңбегі жемісті болып, көңіл қуантпақ.

Мешін жылында бірінші орынға жеке бастың мәселесін қоюдың қажеті шамалы. Егер қандай да бір жағымсыз байланыстар, қарым-қатынастар болса, оның бәрін үзетін кез келді.

Денсаулыққа мұқият болу керек. Салауатты өмір салтын ұстанудың маңызы зор.

САРЫШАЯН

2016 жыл өзгерістер уақыты болмақ. Түрлі оқиғалар толқынына тап болса да, Сарышаяндар кез келген жағдайдан жеңімпаз болып шықпақ.  

Мешін жылында отбасында келеңсіздіктер мен дау-дамайлар орын алмайды. Сарышаяндар бар мәселені байыппен, бейіт шешпек.

Иммунитетті арттыратын табиғи өнімдерді жиі қолданыңыз. Сонда 2016 жылы ауру-сырқау сізді мазаламайтын болады.

МЕРГЕН

Қызметтегі ерліктеріңіз еленбей қалмайды. Жаңа жылда Мергендер жаңа жобаларға қол жеткізіп, бар күш-жігерін сонда салмақ. Табысыңыз шығыныңыздан әлдеқайда көп болып, сонысымен де сізді қуантпақ.

Десе де, тым жұмысбастылыққа салынып, жеке өміріңізді естен шығарып алмаңыз. Өйткені дәл Мешін жылы жалғысбасты Мергендер үшін сәтті болмақ. Жұмыстың екінші жартыңызды алмастыра алмайтынын ойлаңыз.

Жаңа жылда саяхатқа, қызықты сапарға аттануыңыз ғажап емес. Ондай мүмкіндікті құр жібермеңіз.

ТАУЕШКІ

Қолда барды бағалай білгеніңіз жөн. Әйтпесе, барыңыздан айрылып қалуыңыз ғажап емес. Жұмысты шын көңілмен жасаңыз, жақындарыңызға көңіл бөлуді естен шығармаңыз. Мұның барлығы – сіздің байлығыңыз.

Жеке өміріңізде қуанышқа толы сәт көп болмақ. Өміріңіздің әр минутынан рахат ала біліңіз.

Сүйікті ісіңізбен айналысуды, әсіресе, Мешін жылында қолға алыңыз. Бұл сіз үшін уақытты тиімді өткізу тәсілі ғана емес, табысты кәсіп көзі болуы да мүмкін.

Бауыр мен асқазан ауруларынан сақ болып, уақытылы дәрігерге қаралып тұрыңыз.

СУҚҰЙҒЫШ

Суқұйғыштар Мешін жылында мақсаттарын барынша биік қойған сайын, оған жету жолы да жақындай түспек. Жаңа жылда арман-қиялға берілгіш Суқұйғыштардың айы оңынан туып, біраз арманына қол жеткізеді.

Ішкі түйсігіңізге құлақ түре біліңіз. Кез келген сәтте мәселенің шешімін табуға түйсігіңіз көмек болмақ.

Жаңа жыл жаңа жобаларды бастауға қолайлы кезең болмақ. Тиісінше, қаржылық қиындықтар да туындай қоймайды.

БАЛЫҚТАР

Жаңа жылда Балықтар басқан әр қадамында жұлдыздардың қуатын сезінбек. Кез келген істе табыс пен жеңіс Балықтар жағында болады. Десе де, бұл жұлдызбен туылған жандар тәуелсіз, еркін өмір сүруді, тек өздеріне сенім артуды үйренгендері жөн.

2016 жыл Балықтар үшін қуанышты сәттерімен есте қалады. Әсіресе, махаббаттың құшағына енген жандардың шуақты күндері көп болмақ.

Мешін жылында көптеген жаңа достар кездестіріп, әрдайым елдің назарында болады.

Жұлдыз жорамалды кім шығарады? Жұлдыз жорамал 2016 қашан шығады?

3 жауап

+2 дауыс
 
Жақсы жауап

Біз Жаңа Жылдан жаңа бақыт, жаңа шаттық және жаңа таңғажайып күтетініміз жасырын емес. Өткен жылға салауат айтып, келер жылға мол үмітпен қараймыз. Таңғажайып түн саналатын 31 жел­тоқсанда Жаңа жыл есігімізді қағып, тұтқасын тартып, Мешін жылы мейірлене кірмек. Бұл жылдан күтеріміз көп. Барлығымыздың арманымыз осы жылмен қол ұстасып, 365 күнімізге сәттілік серік болсын деп тілейміз. Қазақ – ежелден болашақты жұлдызға қарап болжап, жұлдызға қарап жайлауға көшіп, жұлдызға қарап күзеуге түскен халық. Тіпті болашақтың білгірі саналатын жұлдызшыларды сый-құрметке бөлеп, хан кеңесінің мүшесі қылған. Өркениетті заманда да жұлдыздың алар орны ерекше екені белгілі. Сонымен 2016 жылы бізді қандай оқиғалар күтіп тұр? Жұлдызнамаға сөз берейік.

Тоқты

(21 наурыз – 20 сәуір)

Сіз өмірге ғашық жандардың қатарынансыз. Үнемі ізденіс пен талпыныста жүретін мінезіңіз 2016 жылы еселене түспек. Эмоцияға толы жаныңызды құрықтауға қиын түсетін кезеңдер де болатыны жасырын емес. Мешін жылы ойға алған барлық жоспарларыңызды іске асыру үшін тынбай еңбек етсеңіз жеткілікті. Бұл жыл сіз үшін аса табысты болмақ. Қажырлы қайраттың арқасында қиындықтарды еңсеріп, кемшіліктерді артықшылыққа айналдыра білудің алтын кілтін дәл осы жылы табатын боласыз.

Келер жылы іске асыратын жоспарларыңызды 2-ге немесе 3-ке бөліп қарастырғаныңыз жөн. Өйткені кезең-кезеңге бөліп атқарған  жоспар сізге қиынға түспейтін болады. Сонымен қатар жаныңызға жылулық сыйлайтын классикалық әуендерді жиірек тыңдап, жүзу мен йогаға қатысып, табиғатта көп серуендеңіз. Бұл әрекеттер Мешін жылы сізге жан жылулығын беретін болады.

Торпақ

(21 сәуір – 21 мамыр)

Сіз сәттіліктің адамысыз. 2016 жылы сіздің басты ұраныңыз «Ал да, істе» болуға тиіс. Келер жылы өзіңізге ашылған мүмкіндіктердің көптігімен таңдандыратын болады. Мешін жылы сіз үшін махаббаттың, кәсіпкерліктің, өрлеудің жылы болмақ. Бұл жылда сіздің табыстарға жететініңіз сонша­лық – тіпті сізге қызыға да, қызғана да қарайтын болады. Бұл, әрине, сіз үшін жақсы.

2016 жылы спортқа көп көңіл бөліңіз. Жүгірумен айналысқаныңыз жөн. Отбасына көбірек назар аударып, отбасылық саяхатқа шығып тұрсаңыз, нұр үстіне нұр болмақ.

Егіздер

(22 мамыр – 21 маусым)

Егіздер үшін бұл жыл – қай жағынан қарасаңыз да сәтті жыл. Кез келген жаңа бастамалар мен жобалар үшін қолайлы кезең. Сіз еңбекқор, тыным таппайтын жансыз. Қандай жобалар болса да бәріне үлгеруге тырысасыз. Бұл, әрине, жақсы. Дегенмен 2016 жылы барлық атаулы іс-шараларға қатысқаныңызбен, ол сіздің өміріңізде біршама қиындық туғызады.  «Екі қайықтың басын ұстаған суға кетеді»  демекші, шектен тыс шараларға бас  қатырғанша, өзіңізге құнды жобаларды саралап, кірісіңіз. Сан емес, сапаға мән берсеңіз, 2016 жыл жемісті, есте қаларлықтай болмақ.

Шаян

(22 маусым – 22 шілде)

2016 жыл жаңа шытырмандарға толы болмақ.  Мешін жылы Шаян жұлдызнамасы үшін қызығушылықтары тұрмыстық деңгеймен шектеліп қана қоймай, келесі сатыны бағындыруда сәттілік әкеледі деп көрсетеді. Жаңа жобалар, саяхат, жаңа хобби, махаббат, жаңа достар табу – бұл сізді келесі жылы күтіп тұр. Шаянда туылғандар әлемді жаңа қырынан көргісі келетіндері анық. Және ол армандары орындалуы әбден бек мүмкін.

2016 жылы Шаяндар жаңа қарқынмен әрекет жасап, көптеген мақсаттары орындалады. Әрбір жоспарын салмақпен және абайлап қабылдаған шешімдері айын оңынан тудырады. Тіпті жоспарыңыз бастапқыда сәтсіздікке ұрындырса да,  алған бағытыңыздан жаңылмаңыз.

Арыстан

(23 шілде – 23 тамыз)

2016 жылы сізді толағай табыс­тар күтіп тұр. Өзіңізді қоршаған адамдар тобыңызда назарларына ілігіп, жаңа мүмкіндіктер туғызады. Күш-жігеріңізді жаңа жобаға немесе нәтижелі іске жұмсауға дайын болыңыз. Қай жерге шақырса да бас тартпаңыз.  Арыс­танға тән айба­тыңызбен барлық мәселені оп-оңай, майдан қыл суырғандай шешетін боласыз.

Сонымен Мешін  жылында: сіз жақсы адамдармен жолығасыз; биік мансапқа жету үшін жасалған қадамдар сәтті болады; жетістік пен табыс мол болады; жұбыңызбен қарым-қатынаста еш қиындық тумайды.

Бикеш

(24 тамыз – 22 қыркүйек)

Сабырлы қалпында жүріп, тө­зімділік таныта білу – Бикештердің жұлдызнамасындағы бас­ты артықшылықтардың бірі. Келесі жылы осы артықшылықтарыңызды өзге жұлдызнамаларға қарағанда жемістіге айналдыру мүмкіндігі өте жоғары. Сіздің басты кемшіліктеріңіздің бірі – қызғаншақтық. Сіз достарыңыздың, әріптестеріңіздің, бөтен жандардың жетістіктерін көре алмайсыз. Сол себепті шыдамдылық танытыңыз. Жетістікке жету мақсатында айналадағы адамдардың қолдауын күтпей, тек өзіңізге сеніп, әрекет қылыңыз. Сонда ғана айыңыз оңынан туып, табысқа кенелесіз.

Таразы

(23 қыркүйек – 22 қазан)

Келер жылы Таразылар жалақысы жоғарырақ жұмыс орнына ауысуы мүмкін. Сіздің талантыңыз бен ынтаңыз бағаланып, жұмыс берушіңіз тиімді ұсыныс жасайды. Мешін жылы өзімен бірге сізге жақсы мүмкіндіктер алып келеді. Барлық ісіңіз жүзеге аспаса да, басымы жемісті болатыны сөзсіз. Қаржы мәселесінде де жұлдыздар сізге оңынан қарайды. Ақшаңыз мол болады. Таразылар жағымды энергиясының арқасында табыс­ты жұмыс атқарады. Басты артықшылықтары болып саналатын шешім қабылдау мен мақсат қоюы Мешін жылы тек жұмыста ғана емес, сонымен қатар үйде де, махаббатта да сәтті болмақ.

Сарышаян

(23 қазан – 21 қараша)

Сіз бақытты жансыз, өйткені өмір сіз үшін барлық кедергілерді жойып отырмақ. Сарышаянның өміріндегі басты кемшілігі – қызғаныш. Сол себепті жұлдыздар өзіңізді тежей білуге шақырады. Сөздеріңізге ие болыңыз. Әйт­песе дұшпандар қатары көбеюі мүмкін. Дегенмен қыз­ғаншақ­тықтың да пайдасы барын ұмытпаңыз. Ең бастысы, қызғаншақ­тық – жүйеліліке әкеледі. Соның арқасын­да Сарышаян өзінің мақсаттарын орындауға тырысады. Сонымен қатар жақынына да көмектесуден аянбайды. Мешін жылы Сарышаян энергиясының көптігімен кез келген қиыншылықтарға тойтарыс беріп, қарсыласын жеңіп тынады. Өзіңізге сенімді болыңыз. Мақсатқа жету жоспарын құрып, ақырындап қадам баса беріңіз.

Мерген

(22 қараша – 21 желтоқсан)

Мешін жылы сіз үшін аса сәтті болмақ. Келер жылы сіздің көңіл-күйіңізге жақсы әсер ететін себеп мол болады. Кішігірім кедергілер өміріңізге әсерін тигізбейді. Барлық шаруаңыз жеңіл әрі жылдам шешіледі. Мергеннің басты артықшылығы – көздеген нысанасын құр жібермейтіндігінде. Сондықтан да Мешін жылы тек белгілі жобаларға атсалысыңыз. Көз қызығарлық көп іс-шараларға қатысқанша, болашаққа пайдасы бар, нәтиже беретін жоспарларды орындаңыз. Сондай-ақ әрдайым өзге сала бойынша да өзіңізді жетілдіруді ұмытпаңыз.

Тауешкі

(22 желтоқсан – 20 қаңтар)

2016 жыл – нағыз сіздің жылыңыз. Бойыңыздағы асып-тасып жатқан күш-қуатыңызды дұрыс бағытқа бұра білсеңіз болғаны, сәттілік өзі-ақ есігіңізден сығалайтын болады. Қайратыңыз көп болатындығы соншалық – өз күшіңізді тек қана жұмысқа жұмсап қоймай, сүйікті ісіңізге де толыққанды арнасаңыз болады. 2016 жыл сізге күш-қуат қана беріп қоймай, жағымды жаңалықтарымен де қуантатын болады. Мешін жылы жаңа баспана иемденіп немесе жаңа көлік тізгіндеп қалуыңыз әбден мүмкін. Сіз үшін өзгелер қызғаныш пен қуаныш сезімін сезінетін болады. Өйткені Мешін жылы сіз бақыт, шаттық, қуаныш, күш пен қайратқа кенелесіз.

Суқұйғыш

(21 қаңтар – 19 ақпан)

Сіз білім мен ғылымның адамысыз. Ал 2016 жыл дәл осы саладағы азаматтар үшін аса табысты болмақ. Құдды бір сиқыршыға ұқсап басыңызға келген барлық тың ойларды іске асыратын боласыз. Ең бастысы, жалқаулығыңыз тартып қалмасын. Ал адами қатынастарға келгенде ұстамдылық пен түсіністік таныта білгеніңіз дұрыс. Өйткені қызба мінезіңіздің кесірінен біраз жанмен араздасып қалу қаупі бар. Алайда жайдары мінез танытсаңыз, ол қиындықты оп-оңай еңсеретін боласыз. Жаңа таныстық пен жаңа қатынастар күтіп тұр. Алайда адам үшін ең керегі – тұрақтылық екенін естен шығармаңыз.

Балықтар

(20 ақпан – 20 наурыз)

Сізге сәттілік үнемі серік болатынын өзіңіз жақсы білесіз. Алайда келер жылы ағысқа қарсы көп жүзбегеніңіз жөн. Кедергілерді жеңу үшін ақылды емес, парасат пен түйсікті көбірек қолданыңыз. Жеке өміріңізде үлкен өзгеріс болмақ. Болашақ жарыңыз болатын жанды кездестіріп қалуыңыз бек мүмкін. Алайда қатына­сыңызды суытып алмау үшін үнемі тұрақтылық танытыңыз. Жұмысыңыз бірқалыпты деңгейде өрбитін болады.

+1 дауыс

Жұлдыз жорамал бойынша жақсы жағың мен кемшілігің

• ТОҚТЫ

 

Жақсы жағы:

+ Туған күні жылы мезгілде
+ Жігерлі
+ Сезімтал

Жағымсыз жағы:

- Күйгелек
- Агрессивті (тоқты белгісіндегі адаммен сөз таластырудың қажеті жоқ)

• ТОРПАҚ

 

Жақсы жағы:

+ Мақсатына жетпей тынбайды 

Жағымсыз жағы:

- Қырсық
- Қызғаншақ

• ЕГІЗДЕР

 

Жақсы жағы:

+ Көбіне көңілді жүруге тырысады 
+ Адамдармен жақсы араласа алады
+ Үнемі жаңа идеялар жетегінде жүреді

Жағымсыз жағы:

- Көңіл-күйі аумалы-төкпелі.

- Достарының пікірінен шыға алмайды 

• ШАЯН

 

 

Жақсы жағы:

+ Сезімтал
+ Қарым-қатынасқа оңай түсе алады
+ Достыққа тұрақты

Жағымсыз жағы:

- Көңіл-күйі аумалы-төкпелі
- Сын қабылдай алмайды

• АРЫСТАН

 

Жақсы жағы:

+ Мақсатты
+ Сенімді
+ Батыл
+ Көмек сұраған адамның бетін қайтармайды

Жағымсыз жағы:

- Қырсық
- Атаққұмар 
- Сын көтере білмейді 

• БИКЕШ

 

 

Жақсы жағы:

+ Ұқыпты
+ Өз-өзін ұстай алады
+ Байқампаз, өз қателігін көре біледі
+ Сыртқы келбеті тартымды

Жағымсыз жағы:

- Кейде тіпті ұқыпты болып кетеді, бұл төңірегіндегі адамдарға кері әсер етеді
- Өмірге көп өкпе артады
- Қызғаншақ

• ТАРАЗЫ

 

Жақсы жағы:

+ Сабырлы
+ Әділ
+ Жансыз нәрсенің аты берілген бірден-бір белгі
+ Жауапкершілігі жоғары
 

Жағымсыз жағы:

- Көңіл-күйі аумалы-төкпелі 
- Достарының пікіріне бағынышты 
- Үнемі достарының қолдауын күтеді

• САРЫШАЯН

 

Жақсы жағы:

+ Белсенді 
+ Бастаған ісін тастамайды 
+ Жауапкершілігі жоғары
+ Достыққа тұрақты
+ Өз пікірі бар

Жағымсыз жағы:

- Қызғаншақ 
- Өзімшіл
- Кек сақтайды

• МЕРГЕН

 

Жақсы жағы:

+ Көңілді
+ Батыл
+ Сырт келбеті сүйкімді
+ Адамдарға көмектесуге әзір
+ Есте сақтау қабілеті жоғары

Жағымсыз жағы:

- Кек сақтағыш
- Олақ
- Сенімсіз
- Дөрекі

• ТАУЕШКІ

Жақсы жағы:

+ Мақсатқа ұмтылғыш
+ Сенімді
+ Қарым-қатынасты жақсы құра алады
+ Көшбасшы 

Жағымсыз жағы:

- Кейде тауешкіге төзу мүмкін емес
- Кек алғыш
- Мақсатына жете алмаса, бәрін жек көріп кетеді

• СУҚҰЙҒЫШ

Жақсы жағы:

+ Адамдарды ажырата алады
+ Мейірімді
+ Достары көп
+ Әзілқой

Жағымсыз жағы:

- "Жоқ" дей алмайды
- Көбі суқұйғыштарды біртүрлі адам деп таниды

• БАЛЫҚТАР

Жақсы жағы:

+ Дарынды 
+ Мейірімді, жомарт
+ Өзгенің қызығушылығын өз қызығушылығынан жоғары қояды

Жағымсыз жағы:

- Көп адамдар үшін шешуі қиын жұмбақ
- Аңқау, балықтарды алдау оңай.

 

0 дауыс

Жаңа жыл – 2016. Жұлдызжорамал: Сарышаян 

Сіз әртүрлі шытырман оқиғадан жол тауып, жылдам әрі дұрыс шешім қабылдау қабілетіне иесіз. Ал дәл күйзеліске түсіп, түсініспеушіліктер орын алған кезде өзіңіз білмейтін дарыныңызды сыртқа шығарып, мінезіңізді көрсете аласыз. Шаяндар қауіп төнген кезде артқа шегінбей, бірден қақтығысуға дайын тұрады. Олар мақсатын жүзеге асыру үшін кез келген әдісті қолдануға дайын. Сондай-ақ, экстремалды спорт түрлеріне қызығушылық танытады. 

Келер жылдан не күтеміз? 

Достарыңызбен көбірек араласуға мүмкіндік туады. Өзіңіздің біреуді сендіре алу қабілетіңіз бар екенін сезінесіз. Дегенмен әртүрлі келеңсіздіктен аулақ болуға тырысыңыз. Себебі шаян қоғамдағы бұрыс әрекеттерге ашумен қарайды. Достарыңызға барынша төзімді болуға тырысыңыз. 

Махаббат 

Жүректің түбінде назардан тыс қалған сезімдер оянады. Жыл басында махаббаттың алғашқы ләззаты сынды сезімдер қайта оралады. Ал жыл ортасына келіп, махаббат сынақтары жолыңызды кеспек. Қызғану, өзара түсініспеушілік болған кезде ашумен шешім қабылдамай, барынша төзіммен қарауға тырысыңыз. 

Ақша мәселесі 

Өткен жылдан қалып қойған барлық қарызыңыздан құтылыңыз. Несиеңіз болса, толығымен жауып тастаңыз. Қаржылық әл-ауқатыңызды көтеру мүмкіндігін беретін жаңа жобаларды бастаудан тартынбаңыз. Ал жыл ортасында біршама қиындық туындайды. Дегенмен өз күшіңізге сеніп, еңбек етуден тайынбасаңыз мәселенің барлығы оңай шешімін табатыны анық. 

Қызмет 

Шаяндарға 2016 жыл әртүрлі өзгеріс алып келеді. Жұмыс бабымен төмендеуіңіз, тіпті, жұмыстан шығып кетуі ықтималдығы жоғары. Дегенмен жағдайды бақылауға алып, оң шешімдерін таба аласыз. Бастысы тағдырдың соққыларына төтеп бере білу керек. 

Денсаулық 

Жыл басынан тауды арқалаған Толағайдай күшті сезіне бастайсыз. Оптимистік көзқарас денсаулықтың нығаюына да ықпал етеді. Тек салауатты өмір салтын ұстану арқылы қарапайым тұмауды болдырмауға болады.


Жаңа жыл–2016. Жұлдызжорамал: Бикеш

Келер жылға үлкен үміт артқан Бикештер мақсатқа жету үшін нар тәуекелге баруы мүмкін. Несие, алым-берім деген секілді қаржылық мәселелер оңтайланып шешілуі де ғажап емес. Алаяқтардан алыс жүрген абзал. Олар "қой терісін жамылып жүрген" болуы керек.

Келер жылдан не күтеді? 

Бикештер үшін 2016 жыл өз мүмкіндіктерін дәлелдейтін жыл. Ірі жобаларды іске асырып, рухани әрі зияткерлік танымын кеңейте алады. Кейбір Бикештер үшін жұмыс барысында таныс адамдар болашақта өмірлік серігіне айналуы мүмкін.

Ақша мәселесі

Физикалық, эмоционалдық, психологиялық ахуалыңыз бұл жылы бір ағыста болады. Жанұяға көп көңіл бөліп, туғандарға қолқанат болуыңыз керек. Үйдегі жауапкершілік сізге артылып, жылжымайтын мүлікке қатысты мәселелерді сізге шешуге тура келеді. Жауапкершіліктің салмағы сізге үлкен ауыртпалық туғызуы мүмкін. Келер жыл Бикештер үшін өткен қателіктерді түзеп, мәселелерді шешуге оңтайлы жыл болмақ. Ақша мәселесімен ешкімге тәуелді болмас үшін үнемдеген дұрыс. Алаяқтардан сақ болу керек.

Махаббат

Махаббатта Бикештердің жолы ашылады. Алғашқы жартыжылдық ғашық Бикештер үшін керемет шақ болмақ. Барлық кикілжің ашық әрі еркін сөйлескенде ғана шешілетінін есте ұстаған жөн. Ал екінші жартыжылдықта Бикештердің махаббаттары сыналуы мүмкін. Жұбы табылған Бикештер үшін де, жұбын іздеп жүрген Бикештер үшін де бұл жыл сезімге толы болмақ.

Қызмет

Бұл жылы Бикештердің қызметі, жұмысқа деген ниеті арта түсіп, мақсатқа жетуге асығады. Бәріне үлгеріп, ептілік танытып, жоспарларын орындап жүреді. Жыл басында құрылған жоспар жыл соңына дейін орындалады, әрине, еңбек еткенде ғана. 

Денсаулық

Күйзелістен қашу керек. Себебі күйзеліс олардың денсаулығына, жүйке жүйесіне, психологиясына әсер етеді. Қызметтегі, жанұядағы барлық мәселені оңай шешсе, денсаулығы да бірқалыпты болары сөзсіз.


Жаңа жыл – 2016. Жұлдызжорамал: Мерген

Мергендер болашаққа деген сенімі мол, ашық және жарқын мінезді жандар. Олар саяхаттағанды ұнатады. Өмірге философиялық көзқараспен қарап, өз білімімен басқалармен бөлісуді жөн көреді.  

Мергендер жас кездерінен бастап алдарына мақсат қойып, оны қатаң түрде сақтанады. Олар жаңа немесе тың дүниелерге кезіксе, қызықтап, шешімін тапқанша тыным таппай ізденеді. Мергендер үшін әділдік бірінші орында болғандықтан, көп жағдайларда турашыл болып келеді. 

Келер жылдан не күтеміз?

Мергендердің ішкі дүниесінде толықтай өзгерістер болады. Мергендердің өзін-өзі бағалауы жоғарылап, сенімділіктері арта түседі. Осы қасиеттер қиын жағдайларды шешуде көмектеседі. Жұлдыздар мергендерге жаңа жұмысқа бірден кірісулеріне қарсы. Керісінше, барлық жұмысты жай, мұқият және нақты жоспар құру арқылы орындаған жөн. Мергендерді қызықты саяхаттар және жаңа таныстар күтіп тұр. 

Махаббат

Жалғыз басты мергендер үшін 2016 жылда өз тағдырын кездестіруге мүмкіндік туып тұр. Бірақ мергендер отбасын құру туралы ұзақ ойланады. Егер сүйіктіңізбен сөзге келіп қалсаңыз, арақатынасыңыз суып кету қаупі бар. Сондықтан сөзіңізге абай болып, сабырлық сақтауға тырысыңыз. 

Ақша мәселесі 

Мергендер жылдың басынан бастап жаңа кіріс көздерін іздейді. Алда жаңа жобалар кездесуі мүмкін. Егер сіз басқарушы қызметті армандап жүрсеңіз, сізге осы жылда сәті түсіп тұр. Мергендер іске зейінмен кіріссе, өздері күтпеген нәтижелерге қол жеткізеді. Қаржы мәселесі бірнеше есеге дейін көбеюі мүмкін. 2016 жыл мергендер үшін саудамен айналысатын сәтті жыл болмақ. Жылдың ортасында ақша мәселесінде қиындықтар тумас үшін құжаттар жұмысына мән берген жөн. Бұл жұмысты тәжірибелі және арнайы мамандарға тапсырыңыз.

Қызмет

Мергендер үшін қызмет бірінші орында болады. Бөгде адамдарды өзіңізге тым жақындатпаңыз және олармен шығармашылық ойларыңызбен бөліспеуге тырысыңыз. Жиі-жиі басшылықпен ақылдасыңыз. Ойларыңызды және жаңа идеяларыңызды басшылыққа нақты түрде жеткізіңіз. Жаңа бағытта жұмыс істеуіңіз мүмкін.

Денсаулық

Мергендер үшін 2016 жыл тамақтануына аса мән беретін жыл болып тұр. Мергендердің көбісі тойып тамақтанғанды ұнатады, ол асқазанның ауыруына себепші болмақ. Мергендердің жауы - асқазан ауруы және ұйқысыздық. Дәрілермен емделіп қана қоймай, ағзаңыздың қалпына келуіне мүмкіндік беріңіз. Дұрыс тамақтану тәртібін бекітіп, таза ауада серуендеуге көп уақыт бөліңіз.

Жаңа жыл – 2016. Жұлдызжорамал: Шаян

Жұлдыздар келер жылы Шаяндарға материалдық жағдайларын түзеуге жақсы мүмкіндік түсіп отыр дейді. 2016 жыл сіз үшін қандай болмақ? Назарларыңызға Шаян белгісінің 2016 жылғы нұсқасын ұсынамыз. 

Келер жылдан не күтеміз?

Бұл жыл сіз үшін қызықты әрі сан қырлы болады. Бойыңыздағы сенімсіздік пен қобалжудың болуына қарамастан, барлығы ойдағыдай жүзеге асады. Жұмысыңыз да жүреді. Сол себепті уақытты жұмысқа жұмсағаныңыз жөн. Ол барлығының орнын толтырады. Тап осы жылы Шаяндар өздерінің жақындары мен достарынан қолдау алады. 2016 жыл – Шаяндардың материалдық жағдайын жақсартатын жыл. Олар өздерінің бұл идесына құныққандары соншалық, тіпті, кей адаммен сөзге де келіп қалулары мүмкін. Сондықтан, алдымен, қандай да бір шешім қабылдар алдында жеті рет өлшеп бір рет кескендеріңіз абзал. 

Махаббат

2016 жыл отбасылы жандарға жанұя беріктігін нығайту, ал жалғыз адамдарға өз сыңарын табу жылы болады. Бұл жылы шаяндар өздерін кереметтей бақытты сезініп, өздерін өте сабырлы ұстайды. Шаяндар сүйіктісіне тым жоғары талаптар қоймай, кез келген нәрсеге шыдамдылықпен қараулары тиіс. Ойын айтар алдында сөздерін жақсылап саралап, байыппен сөйлегені жөн. Себебі ол сіздің жақыныңыздың көңіліне тиіп қалуы бек мүмкін. Бірақ та ондай сәттер болып тұрғанымен ұзаққа созылмай, жаудың беті қайтып, барлығы қалыпқа түседі.

Ақша мәселесі

Маймыл жылы Шаяндар ерен еңбектерінің арқасында табысқа кенеледі. Қандай жұмыс жасамасын ақша өздігінен келе бастайды. Шаяндар ойға ұшқыр болғандықтан, ақшаны үнемдеп ұстайды. Олар қоршаған ортада болып жатқан жағдайларға байланысты жақсы баға берудің арқасында ақшаны қайда, қайтіп жұмсау керектігін біледі. Мүмкін тығып ұстаған азын-аулақ ақшаларының өзінің кәдесіне жарайтын уақыты келген шығар.  

Қызмет

Мансап бойынша барлығы бірқалыпты болады. Жұлдыздар алдағы уақытта сізге тиімді ұсыныстар түседі деп құр бекерге үміттендірмейді. Жұмыс өз бағытымен жүре бермек. Басшылық сізді байқамауы мүмкін, бірақ онда тұрған ештеңе жоқ. Қосымша әурешілікті талап етпейтін жұмыстар бұл жұлдыз иелеріне әбден қолайлы.

Денсаулық

Шаяндардың денсаулықтары күшті болмақ. Дегенмен күтпеген жерден қандай да бір жарақат алып қалулары мүмкін. Сондықтан сақтанып жүргендері дұрыс. Және де жұлдыздар мұздай су ішпеулеріңізге кеңес береді. Өйткені тамағыңызға суық тиіп қалу ықтималдылығы жоғары. Кей сәтте сезімге тым қатты беріліп, осалдық танытулары мүмкін. Тез шаршап қалмас үшін жиі-жиі аз-аздан демалыңыз.

Жаңа жыл–2016. Жұлдызжорамал: Егіздер

Көпшіл болып келетін егіздер үнемі ізденіс үстінде жүреді. Кез келген тақырыпта әңгіме өрбіте алатын олар көмек сұраған жанға қол ұшын созып, сөзімен де демеу көрсете біледі. Олар тез шешім қабылдайды, әр істе тәжірибиесі мол. Егіздер еркіндікті жақсы көреді. Өзгеге қарағанда, өздеріне көбірек сенеді.

Келер жылдан не күтеміз?

«Қолда барда алтынның қадірі жоқ» демекші, сіз көп нәрсені бағалай алмайсыз. Егер уақытында әр нәрсенің қадіріне жете білсеңіз, барлығы өз орнында қалмақ. Келер жылда өміріңізде біршама өзгеріс орын алады. Жұмыс барысында жетістіктер шыңын бағындырып, тасыңыз өрге жылжиды. Алайда достарыңызға шындықты айтамын деп, көңілдеріне қаяу салып жүресіз. Сол себепті мінезіңіздегі кейбір олқылықтарды түзегеніңіз абзал.

Махаббат

Махабатқа салмақты қарағаныңыз жөн. Себебі араласатын ортаңыз ауқымды. Адамдармен тез тіл табысып кететіндіктен те, көптің көңілі алдымен сізге ауады. Таңдау жасамас бұрын "жеті рет өлшеп, бір рет кес" деген нақылды естен шығармаған жөн.

Ақша мәселесі

Егіздер ақша мәселесіне жеңіл қарайды. Алайда ақшаны үнемдеуге бейім. Осы жылы барлық жағынан жолыңыз болады, ақша мәселесінде көп қиындық туындамайды. Ақшаны сақтағанға қарағанда, тиімді жеріне жұмсағаныңыз дұрыс. Себебі бұл жыл сіз үшін өте сәтті болмақ. Жаңа жобаларға жол ашылып, қарбалас жұмысқа қым-қуыт араласып кетесіз.

Қызмет

Өзіңізге есеп беріп үйреніңіз. Қызметтегі адамдармен дұрыс қарым-қатынас жасау мансап жолыңызда үлкен рөл ойнайды, яғни қызметте көтеріле аласыз. Жылдың екінші жартысында жеке өміріңізде өзгерістер болады. Жаңа жұмыс орнына ауысуыңыз да ғажап емес. Бос уақытыңыз жиі бола бермейді. Сол себепті уақытыңызды тиімді пайдалануға кеңес береміз. Бір орында қозғалыссыз тұрып қалмаңыз. Басқалар өрлеп кеткенде, сіз құлдырадыңыз деген сөз. Қызметте төзімді, мықты бола біліңіз.

Денсаулық

Егіздер денсаулығына көп көңіл бөлгені жөн. Оның ішінде алдымен тамақтану тәртібінен бастағаны дұрыс. Себебі егіздердің ең әлсіз тұсы – асқазан мен бүйрек. Асқазаныңызды құртып алмау үшін дұрыс тамақтана біліңіз. Құрамында дәрумені мол, ағзаға пайдалы өнімдерді көп тұтыныңыз. Сіз жұмысыңызға үлкен жауапкершілікпен қарайтын жансыз. Алайда демалыссыз жұмыс сізді қажытып, жүйкеңізге әсер етуі мүмкін. Сол себепті ең басты орынға денсаулықты қойғаныңыз жөн.

Жаңа жыл – 2016. Жұлдызжорамал: Торпақ

Торпақтар өз ісіне мың толғанып кірісіп, соңына дейін шыдамы жетіп аяқтай алатын жандар. Олар үшін жұмыстың тұрақтылығы мен еркіндіктің маңызы жоғары. Өзгелермен жылдам тіл табыса білгенмен, істе жайбарақат қимылдайды.

Бұл жұлдызда дүниеге келгендердің сұлулыққа жаны құмар. Өнер мен қолдан жасалған бұйымдарды жоғары бағалайды. Жауапкершілікті бірінші орынға қоятын торпақтар айналасының сұлу болғанын қалап қана қоймай, өзгеруіне де септігін тигізіп жүреді.

Келер жылдан не күтеміз?

Жұлдызжорамал бойынша торпақтарға 2016 жыл - жағымды жаңалықтар мен тосын сыйларға толы болмақ. Сондай-ақ, торпақтарды қиын сындар да күтіп тұр. Олар үшін күйзеліске ұшырамай, шыдамдылық таныта білу маңызды. Сондықтан да алдағы жылы торпақтардың басты қаруы – шыдамдылық пен сабыр болуы тиіс.

2016 жыл – торпақтар үшін саяхатқа қолайлы жыл болмақ. Әсіресе жылдың алғашқы жартысындағы жолсапарлар ерекше көңіл-күй мен қуаныш сыйлайды.

Махаббат

Шаңырақ көтерген торпақтар үшін 2016 жылы көптеген мәселелердің түйіні оңай шешіледі. Бастысы – сүйген жарыңызға қасарыспағаныңыз абзал. Ал өмірлік серігін кездестірмеген торпақтар үшін бұл жылы жүрек түкпіріндегі сезімге бір ауық ерік беріп, сүйгеніне ғашық сырын айтуға таптырмас уақыттың сәті жетті.  

Ақша мәселесі

Торпақтар бірінші кезекте материалдық жағдайын ойлайды. Сондықтан да торпақтар үшін 2016 жылы шығысты азайтқан маңызды. Әсіресе жылдың алғашқы 4 айында ақшаны шашпағандары абзал. Ал жыл соңына қарай күтпеген тосынсый болуы мүмкін. Сондай-ақ, 2016 жылы торпақтарға ірі жобаларды қолға алып, тасын өрге домалатудың сәті келіп тұр.

Қызмет

Торпақтар өз қызметіне көңілі тоятын жандар. Жыл басында жаңа қызмет ұсынса да, олар бас тартуы мүмкін. Себебі олар өз кәсібінің нағыз шебері болуды қалайды. Жыл басында қойған мақсаттарын торпақтар жыл соңына дейін толықтай орындай алады. Ол үшін әзірден жоспарларыңызды дайындап, нақты мақсаттарыңызды ой елегінен өткізе беріңіздер.

Денсаулық

Торпақтар денсаулығына баса мән береді. Десе де жыл басында көңіл-күйіңіз құбылмалы болуы мүмкін. Битке өкпелеп, тоныңызды отқа жаға көрмеңіз. Уақытында тынығып, жұмысқа бар күш-жігеріңізді салып жүрмеңіз. Бауыр мен бүйрек ауруларынан сақтаныңыз. Сондай-ақ алкогольді ішімдіктерден аулақ болыңыз. Бұл ішімдіктер сіздің денсаулығыңызға айтарлықтай зиян келтіреді. Басты байлығыңызды бағалай біліңіз.

Жаңа жыл – 2016. Жұлдызжорамал: Тоқты

Сіз — кез келген жерде және кез келген салада жеңіске жете алатын адамсыз. Шешімді жылдам қабылдап, жаңа жобалармен айналысуды ұнатасыз. Мұнымен қатар, көңіл-күйіңіз жылдам өзгеріп отырады. Күліп отырып жылай салуыңыз да ғажап емес.

Келер жылдан не күтеміз?

Жеке өміріңізде де, мансап жолында да көптеген өзгеріс болады. Күш-қуатыңыз бен белсенділігіңіз екі есе артады.

Махаббат

Көптің арманына айналып, жанкүйерлеріңіз соңыңыздан жүгіретін болады. Олардың арасында өмірлік жарыңыз да болуы мүмкін. Жалғыз жүрген тоқтылар биыл шаңырақ көтеріп, отбасын құрады. Бар уақытын сол отбасына арнайды.

Ақша мәселесі

Барлығы өз қолыңызда. Егер ақшаңызды үнемдеп, оны ақылмен жұмсайтын болсаңыз, барлығы дұрыс болады. Қаржы мәселесінде еш қиналмайсыз. Алайда жаз маусымында қызметте қиындық туындап, басқа жерге кетуіңіз мүмкін. Сондықтан көктем шыға салысымен жаңа жұмыс іздей бергеніңіз жөн.

Қызмет

Егер бұрыннан бері жаңа жұмысқа ауысып, қызметте жоғарылағыңыз келіп жүрген болса, дәл қазір ойыңыздағыны жүзеге асыратын уақыт. Мұнымен қатар, таныстарыңыз бен достарыңыздың арасында сізді көре алмайтын жандар бар екенін ұмытпаңыз. Олар сіз туралы жалған өсек сөз таратуы мүмкін. Сондықтан барынша сақ болыңыз.

Денсаулық

Өкінішке орай, келер жылда денсаулығыңыз нашарлайды. Оған көбірек көңіл бөлуіңізге тура келеді. Күнделікті жаттығу жасап тұруға кеңес береміз.  

http://massaget.kz

...