Бүгін ҚР ІІМ ТЖК төрағасының міндетін атқарушы Серік Әубәкіров пен ТЖК төрағасының орынбасары генерал-майор Ж.Жұмашевтың қатысуымен «Қарағалы өзенінің бойымен өткен сел бойынша» тақырыбында брифинг өтті.
Бұл туралы ҚР ІІМ ТЖК ресми сайты хабарлайды.
Бірнеше күннен бері ауа темературасының нормадан жоғарылауынан «Қарғалы» мұздығының қатты еруі және «Безымянное» мұздақ көлінің толуынан бүгін сағат 3:00-де мұздақ каналдың ішінде көлдің Қарғалы өзенінің арнасына көтерілуі болды.
«Безымянное» мұздақ көлінен 3 шақырым төменде орналасқан Қарғалы өзенінің арнасында селден қорғау бөгеті шамамен 20-30 мың текше су, тас, батпақ аралас селді ұстап қалды.
Азаматтық қорғаныстың сигналы бойынша ҚР ІІМ Төтенше жағдайлар комитетінің Алматы қаласы және Алматы облысы ТЖД, Алматы қаласының Ішкі істер департаменті, ҚР ІІМ Ұлттық Ұланның, Республикалық жедел-құтқару жасағының, Алматы қаласының Құтқару қызметінің жеке құрамы, жергілікті атқарушы органдар қатыстырылды.
Дереу Алматы қаласының ТЖД мобильді құлақтандыру кешені, сондай-ақ Алматы қаласының ІІД сигналды дауыс зорайтқыш құралдары бар 85 бірлік автомобилі тартылды. Ұялы байланыс операторларына смс-жіберу арқылы халық үшін смс-жіберуді жүзеге асыруға өтінім жолданды. 20 теле және 6 радиоарна арқылы жүгіртпе жолмен халыққа хабар беру жүзеге асырылуда.
ҚР ІІМ ТЖК аумақтық бөлімшелерінің күштері қаланың жергілікті атқарушы органдарымен, азаматтық қорғау күштерімен бірлесіп су басқан (су жайылған) аймақтағы зардап шеккен халықты іздеу және эвакуациялау үшін тізім бойынша Қарағалы өзенін бойлай жүріп өтуді ұйымдастырды.
№176 орта мектепте, сондай-ақ Наурызбай ауданы әкімдігінде зардап шеккен халыққа медициналық және психологиялық көмек көрсету, ауызсумен және азық-түлікпен қамтамасыз ету үшін қабылдау пункттері орналастырылған.
Қарғалы өзені бөгетінің ауданында ҚР ІІМ ТЖК аумақтық бөлімшелері 898 адамнан астам жергілікті тұрғынды эвакуациялады.
Қалыптасқан жағдайды әуеден барлау жалғастырылуда, қалпына келтіру – тазалау жұмыстары және қаланың су басқан көшелері мен шағын аудандарында келтірілген нұқсанды бағалау бойынша жұмыстар жүргізілуде.
«Қазселденқорғау» ММ ақпараты бойынша бөгеттің бүтіндігі қираған жоқ, су ағызатын шлюздерден су ағызу жүргізілуде. Осы әуе барлауы бойынша мұздақ көл 80-90 %-ға көтеріліп, селден қорғау бөгеті 10 %-ға толған. Көлік магистральдары көпірлерінің қирауы болған жоқ.
Алатау ауданының Алғабас кентінде жеке тұрғын үйлерді су басқан (саны анықталуда), №185 орта мектепте зардап шеккен халықты жинау пункті өрістетілген, 50 адам эвакуацияланды.
Қазіргі уақытта төтенше жағдайды жоюға Қазақстан Республикасы Ішкі істер министрлігі және жергілікті атқарушы органдары жеке құрамының 1196 адамы, 160 бірлік техникасы, 3 тікұшағы жұмылдырылды.
Болған оқиғаның мән-жайын анықтау үшін ТЖ орнына Қазақстан Республикасы Премьер-министрінің орынбасары Бердібек Сапарбаев және ҚР ІІМ орынбасары Владимир Божко ұшақпен ұшып кетті.
Қауырт желінің мынадай телефондары жұмыс істейді:
ҚР ІІМ ТЖК Дағдарыс жағдайларында басқару орталығында (Астана қаласы) – 53-32-79, 32-32-89.
Алматы қаласының Төтенше жағдайлар департаментінде – 8(727) 274-22-19.
