Бай болу үшін, меніңше адам өз-өзіне қадағалауды жақсарту керек. Ол уақыт және финанс қадағалауы. Жоспар құрып, сол жоспар негізінде саналы түрде әр уақыт сайын белгілі бір немесе мөлшерде жетістікке бір қадам жоғарылап отыру керек.
Артық уақыт шығыны мен ақша шығынын болдырмау қамын ойлау керек. Бұның салдары босқа кеткен ақша мен уақыт ғана емес, алдағы уақытта болатын іске кесірі тиюі мүмкін.
Ақша табудың кең таралған кең таралған екі түрі бар: жұмыс істеу және идея сату. Әлбетте, жұмыс істеген адамдардың салыстырмалы түрде біреуі бір сома тапса, екіншілерін одан екі есе, үшіншілері одан он есе көп табуы мүмкін. Оның бәрі адамның өзін өзі бағалауына әкеліп тіреледі. Жоғары бағалаған сайын, табыс та мол. Әлбетте, ол үшін білім, бір емес түрлі білім, тәжірибе, бір емес бірнеше, ондаған, жүздеген мол тәжірибе керек. Жеке бас дисциплинасы, денсаулық, білім, біліктілік, рух және сауаттылық, өресі (кругозор), орта неғұрлым жоғары болған сайын, өмір ол адамға соғұрлым көбірек беретін сияқты.
Байлық - қолдың кірі, бірде бар, бірде жоқ. Біреу тартып алады, біреу ұрлап алады, біреу еңбекпен жетеді, біреуге сыйлайды, біреу оны жоғалтады, байлық уақытша. Ал, білім мен тәжірибені ешкім де тартып, ұрлап алмайтын жоғалмас қазына. Сондықтан айтар едім, ең бай адам, ол білімді және тәжірибелі адам.
