Елбасшысы әйел адам бола алады! Мысалы, Ұлы Британия және Солтүстік Ирландия патшайымы Елизавета II, Нидерланды патшайымы Беатрикс, Дания патшайымы Маргрете ІІ, Германия канцлері Ангела Меркель, Оңтүстік Корея президенті Пак Гын Хе, Финляндия президенті Тарье Халонен, Латвия басшысы Вайра Вике-Фрейберга,Чили президенті Мичель Бачелет, Гайана президенті Джанет Джаган, Боливия президенті Лидия Гейлер Техада, Аргентина президенті Исабель Мартинес, Либерия президенті Эллен Джонсон-Серлиф, Индонезия және Филиппин башылары Мегавати Сукарнопутри мен Глория Макапагал Арройо, Ирландия басшысы Мэри Макалис, Парагвай басшысы Бланку Овелар. Әйел теңдігі қалыптасқанына ұзақ уақыт бола қойған жоқ. Батыс Еуропада демократия қалыптасып, әйелдердің тек құқық алғанына ойлап қарасақ сонша ұзақ уақыт өте қойған жоқ. Демократияның "үлгісі" болған АҚШ-тың өзінде әйелдерге сайлау құқығы өткен ғасырда ғана берілді. Көптеген елдерде әлі әйел адамның билікке жақындауын ерсі көреді. Дегенмен ЕЛБАСШЫСЫ ӘЙЕЛ АДАМ БОЛА АЛАТЫНЫН дәлелдеген әлемнің әр түкпіріндегі әйелдерді жоғарыда атап өттім. Одан тыс премьер министрлер мен министр ханымдар жетіп артылады. "Әйел бастаған көш оңбайды" дейді ғой кейбіреулер. Бәрі көшіп бара жатқандардың ынтымағына байланысты. Оңбайтын көш кім бастаса да оңбайды.
