Өткенде бір бағдарламада "Түрме қандай болуы керек?" деген тақырыпта пікірталас өтіп жатыр екен. Пікір былайша екіге жарылды:
1. Түрмеде қылмыскерлерге қажетті барлық жағдай жасалу керек. Олардың түрмеде болған мерзім ішінде кітап оқуы, ән тыңдауы, ТД көруі, спортпен айналысып денсаулық сақтауы, өз хоббиімен шұғылдануы, мамандығын жетілдіріп қоғамның толыққанды мүшесі болуы керек. Себебі түрмеден шыққан соң да қоғамда бізбен бірге тұратынын ұмытпайық. Адамды қинау арқылы емес, үйрету арқылы жақсы жолға салу керек.
2. Егер түрмелерде сіздер айтқандай жағдай жасалса, қылмыскерлер еш қылмыс істемеген адамдардан да жақсы ортада өмір сүреді деген сөз бе?! Шыны керек, қоғамда баспанасы, ішерге асы жоқ адамдар жетерлік. Бұл әділеттілік пе? Ал олардың қылмысынан зардап шеккен адамдар мұндай "рахат өмірді" жаза деп айта ала ма? Сонда қоғамда "жаза" деген ұғым "түзетумен" ауыстырала ма?
Сіздің ойыңызша түрме қандай болуы керек? Қайсы пікірмен келісесіз?
Төменде Еуропа елдеріндегі (Норвегия, Аустрия) бірнеше түрменің суреті:
Ал Жапонияның әйелдер түрмесінде қара немесе көк түс әйелдер үшін рухани тұрғыда қысым түсіреді деп түрме жабдықтарын, есік-терезені, форманы, тіпті көрпе-жастыққа дейін қызғылт түске ауыстырыпты:
