Не үшін дегені қалай? Тамақтану, ұйықтау, адамдармен араласу, тазалық сақтау-мұның бәрі табиғи қажеттілік қой. Керемет нәрсе тындырып тастағың келсе де бұларсыз қолыңнан ештеңе де келмейді. Уақытым кетіп қалады деп, тамақтанбай, ұйықтамай қою мүмкін бе?! Адам өмірі тек үлкен масштабтағы күрделі істерден тұруы міндетті емес. Осы қарапайым күнделікті тіршілік қой өмір деген... Сол әрбір кішкентай қадамымыздан бақыт таба білу - өмірге келудегі міндетіміз сияқты.
"Өмір - сенің тіс тазалағаның, бутерброд дайындағаның, жаңалық тыңдағаның, автобус күткенің... Әр күні осылай мыңдаған оқиғаларға куә боласың. Егер оларға мұқият назар аудармасаң, есте сақтамасаң, бағаламасаң, олар үнсіз ғана келмеске кете береді. Осылай тұтас өмірің өтіп кетуі де мүмкін".
(Тони Джордан. "+1" кітабынан)
